TVB台慶劇《黑色月光》昨晚（1日）播出的第五集《黑色月光》，「復仇女神」余滿月（楊茜堯飾）終得償所願KO首名復仇對象莫Sir！飾演莫Sir的林景程，自從上年台慶劇《新聞女王》憑「中槍梁Sir」一角彈出後，之後亦先後憑《反黑英雄》的「怕事燦哥」，及《法證先鋒6》的「冼陽真身」贏盡好評，今次再度憑好演技及專業程度同時獲得認同。
黑色月光｜林景程大何廣沛僅四年演父子
今次林景程再次突破自己首演大奸角，更要增齡至少20多年飾演何廣沛父親；值得留意的是，由於現實生活中林景程只比何廣沛大4歲，故這對「父子檔」一推出即引發熱議，對此，林景程笑言：「最初聽角色我以為係演佢回憶中小時候時嘅爸爸，聽聽吓先發現原來係演依家。」
黑色月光｜林景程難忘10年前演對方同學
林景程續說與廣沛10年前已開始合作，並搞笑地自嘲因保養差要演廣沛爹哋：「我記得我哋喺《M club》演同學，10年後佢仲係keep得好好，而我就保養得好差。」談到化老妝，林景程透露上妝時間每次約一個多小時：「每次開工前都要畫白啲頭髮，係用銀筆逐條咁畫，後期大家都熟手同有經驗咗，一個鐘內都搞掂。」
黑色月光｜林景程「瞬間奸險變慈祥」
其實林景程這次飾演貪錢壞警察相當有記憶點，皆因莫Sir每次做壞事時不但會露出超奸險笑容及眼神，更會側著頭看著目標，感覺讓人不寒而慄，不少網民留言叫林景程以後不要對著他們笑：「你一笑我感覺就要被推下山了。」而向來Gag爆的林景程，即搞笑回覆：「今天推下山的人數已達標，日內不會再推」，並以「個仔好夜都未瞓」回應網民提問為何要等到第二天早上才潛逃，令阿仔何廣沛亦忍不住留言玩埋一分：「晚上好忙。」二人均相當識做宣傳。
親揭角色「側頭奸笑」背後含意
問到林景程為何莫Sir經常「側頭奸笑」，他笑言：「因為我想設計一個小動作去貫穿番兩個年代嘅自己，睇劇本時本身諗住就咁笑就算，但係好似唔夠突出，最後諗起自己屋企養嗰隻倉鼠，因為個倉鼠籠放嘅位置比較矮，我成日望佢都要側住個頭，然後我就覺得側頭望好似主人望緊寵物咁、又好似有啲似望住獵物嘅感覺，就側咗頭了喇。」
獲推「今年值得一個獎項」
而林景程是次突破點除了化老妝及「側頭奸笑」，昨晚一幕他穿過家中屏風步向何廣沛時，在一秒內瞬間由「勁陰森」變成「懶慈祥」相當有戲味，獲網民大讚很棒：「瞬間變臉」、「你的眼神和笑讓我毛骨悚然」、「演甚麼就是甚麼，完全没有限制」、「做壞人很有潛質」、「林景程今年值得一個獎項」、「今年幾部配角戲感覺都很出」。
」，
App內睇文同睇片可隨時捕捉U Fun彩蛋，
換領現金券及禮品！
↓【送飛🎟️】「領展香港高爾夫球公開賽」四天入場證100張！↓
↓11月21至24日免費睇比賽！超多娛樂活動😍按摩、紋身、高爾夫體驗區！↓
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
