香港公屋供不應求，平均輪候時間至少要5年或以上，就連特快公屋都非常搶手！早前有港人在社交平台分享公屋上樓的喜悅，一家四口獲派筲箕灣耀東邨的中層單位，採光好之餘，空間方正，還擁有無敵大海景，連網友看後都忍不住大讚「個view好正」、「有豪宅feel」。
一家四口「特快公屋」揀中超靚海景單位
該名港人於Facebook群組「公屋討論區」發文，指一家四口輪候公屋8年，早前透過「特快公屋編配計劃」成功上樓，他們揀中了筲箕灣耀東邨一個中層海景單位，單位面積約470呎，附有小露台，同樣可望到海景，難怪他在文中興奮道「靚景無敵簡直係上天恩賜」，並分享多張裝修後的相片。
▼港人公屋特快上樓揀中靚單位▼
從照片可見，該單位格局方正、有一排大窗戶，室內光線十足，窗戶可直接看到海景、山景，風景美不勝收。而樓主亦相當有效率，簽約後便即時找來裝修師傅上門報價，原本預期最快也要一個半月才能完成裝修，沒想到現在不用一個月已經「交貨」，一家四口可以準備入住新居，令他滿意大呼「我畢業啦」。
▼原帖文▼
絕美海景網民羨慕：有豪宅feel
網民看後紛紛恭喜樓主揀到好單位，絕美海景引人羨慕，「個景過千萬，恭喜哂」、「豪宅feel」、「有得望海當買咗個安慰」，亦有網友認為大家實在不用太過迷信，其實特快單位也有不少好單位，「唔好迷信，最緊要上樓快安居」、「不用挨貴租」。
此外，留言中也不少網友詢問裝修細節，以發好奇該單位為何會列入特快公屋，「有咩事發生過？」、「住落有冇特別野發生？」、「有小朋友，唔擔心嗎？定係你哋本身有信仰？」
樓主透露單位被納入特快原因：唔介意呢啲嘢
而樓主亦有回覆，表示今次裝修費用合共13萬，包括廚櫃吊櫃、間房、磁磚地板、換鐵閘、粉刷牆壁、露台鋁窗、浴屏等等，傢俬電器另外買。同時，他透露該單位的上一手住戶是燒炭自殺，「係啊，死過人，但揀屋前上黎現場睇過，非常吸引囉，我又唔介意呢啲嘢喎」，並表示一家四口入住多時亦相安無事，「無咩特別野喎」。
網民獲派環翠邨 對住墳場想等二派
為公平分配公共房屋資源，每位公屋申請人可獲3次派屋機會，若申請人未具「可被接納」理由而拒絕所有三個配屋建議，將引致有關申請被取消。如果不滿意首派或二派結果，有申請人會選擇拒絕，將希望寄託在下一次。
早前有網民在Facebook群組「公屋討論區」發文，就請首派柴灣環翠邨怡翠樓教網民意見。雖然怡翠樓距離柴灣地鐵站僅5-8分鐘路程，交通方便，不過網民指怡翠樓「對住墳場，想等2派」。
網民籲接受：交通方便 環境清幽
然而，群組內的網友認為近墳場不是甚麼大問題，籲樓主勿走寶，有留言建議「有時間行去睇睇，其實環境唔錯，又近地鐵站，我住附近幾十年都無問題」、「近地鐵 總站有位坐仲想點？」、「我之前住果到對面係和合石仲望到墓碑，咪又係住十幾年。」有網民則大派定心丸，指「好似望唔倒相睇唔倒字, 就係好風水。」亦有網民撐樓主等二派，住屋當然要以自己感受行先，「唔好要，搏多兩次先」、「一定等二派 求安心」、「呢D野真係好睇個人接唔接受到。」
延伸閱讀：港人獲派對住墳場公屋欲放棄！網民竟一面倒力薦：好住好ＯＯ
公屋出現「養蚤大師」？樓下保安驚到棄「大班椅」轉坐膠凳...
早前有公屋住戶在社交平台發長文，指一家人同住在大窩口邨富華樓，一直以來都相安無事，直到6年前家中突然出現大量黑色小蟲，才得知蝨患源頭很可能是隔壁鄰居。事主原以為只要丟掉家中傢俬、找滅蟲公司幫手處理即可，卻沒想到蝨患問題會捲土重來，繼去年家中再次出現蚤後，現在就連大樓保安都表示大樓內有蝨患問題，「見到佢地張大班椅都唔坐，坐膠凳」...
"香港。每個人都求有個安樂窩，但住喺旁邊嘅如果都係養蚤大師，就唔係咁講啦"
▼按圖看完整事件▼
▼事主於家門前灑滿蚤粉▼
事主發長文慘呻求助無門：冇人理
事主在文中透露，指一家人曾多次向政府部門（房屋處、1823）以及新聞媒體尋求協助，令人無奈的是，事件最後仍然是不了了之...
▼事主慘呻求助無門▼
網友同情事主遭遇 一律建議盡快「報東張」
事件曝光後，隨即引起社會大眾關注，不少網友見到事主帖文後都留言表示「好恐怖」，亦有不少人同情事主遭遇，「勁陰公」、「咁近距離真係好煩惱」、「你點搞都無用，始終不能根治」，並建議他們嘗試申請調遷或是找「報東張」。
有網友則認為，蚤患真正的來源無從稽考，而且並非一朝一夕就可以解決此事，「無證據好難搞，又搵唔到源頭」、「冇任何證據顯示人地屋企係原發點」，紛紛勸事主忍耐一下，「咬慣咗就無事」、「天氣轉冬就會好D」。
事主擔心蚤患只會一直蔓延...
而事主亦有留言回覆，表示目前已向《東張西望》報料，雖然現在已在門前灑滿蚤粉，家中暫時沒有蚤出現，但此方法終究治標不治本，她無奈道：「咁下個夏天呢？沒完沒了咁同佢玩？旁邊唔搞。點斷？」同時她也指出「養蚤大師」鄰居每日都會到公屋大堂、公園坐，令她不禁擔心蚤患會繼續蔓延下去，「呀婆仲好勤力架，日日都痴住幾隻落樓下公園曬太陽架。仲成日去大堂坐添。自求多福啦！」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
