「買餸車」上巴士都會被拒載？近日有網民於社交平台上發文指，有1名攜帶裝滿鮮花的買餸車的阿姐，欲乘搭巴士被司機拒載。阿姐拒絕下車，最後需要巴士站站長出馬才願意下車。事件引來大批網民討論，網民有撐亦有反對，認為買餸車不算大型行李，亦有網民指︰「比你就人情，唔比你就係道理」，認為巴士並非貨車不應被濫用，而《公共巴士服務規例》列明規定行李大小，即睇下文了解事件經過！
阿姐攜買餸車被拒上巴士 站長出馬一招KO
近日有網民於Facebook群組「香港突發事故報料區及討論區」發帖，指在屯門巿中心開出的E33巴士上，1名阿姐因攜帶大型物件而被車長拒絕上車，但阿姐「堅要唔落車」，最近需要站長協助才使阿姐下車。
▼ 帖文 ▼
影片一開始阿姐正在與巴士站站長爭執，大罵「你比錢我，你比番錢我」，站長解釋「你想攞錢可以，你打番去我哋公司，我哋公司會退番比你」，隨後阿姐更稱「大把人咁樣啦」，站長回應「我都未見過」。阿姐再重複「咩未見過呀，大把人咁樣做」，指「𡃁仔唔洗咁樣玩啦！」，「咁我攞錢啦得啦」，站長回答「我無錢比你喎」，阿姐則表示不退錢就投訴，站長隨即表示「投訴啦，隨便，落左車先慢慢同你講」。阿姐便開始收拾，隨後有其他乘客表示「你落咗去先啦，我們趕時間㗎」，阿姐沒有回應，拖著裝滿花的買餸車落車繼續與車長理論，影片到此結束。
▼ 影片截圖 ▼
網民反應兩極｜畀就人情，唔畀就係道理
事件引來網民熱議，有網民認為阿姐的行李不算大，應該酌情處理批准上車，表示「依個都算大型？」、「呢件唔算大啦，有啲仲離譜都上倒（到）車」、「買餸車都唔比上？佢都唔算好大件」、「週街都係呢種買餸車，咁好多人唔使坐巴士」。另一方面，有網民則支持站長做法，認為「比你就人情，唔比你就係道理」，指「巴士係載客架」、「啱呀要揸正來做」、「冇得拗大唔大型……俾就人情唔俾就道理」、「正正常常肯睇住翻的嘢，唔影響到人，唔會俾司機嘈」，認為應依照巴士規例執法。亦有網民估計，阿姐被要求下車是因為她在鎖好車轆後，就到後方座位，未有站旁邊顧住自己的買餸車。
巴士規例｜總體積不得超逾0.1立方米
《公共巴士服務規例》(第230A章)第14條列明巴士乘客可無須繳付額外費用而攜帶總重量不超逾5公斤和總體積不超逾0.1立方米的一件或多件包裹，只要該包裹可予安全及方便攜帶即可，亦可支付車費等級表指明的費用，攜帶署長准許攜帶的其他物品，但物品不得為厭惡性物品和佔用任何巴士座位、通道或樓梯。
圖片及資料來源︰Facebook@香港突發事故報料區及討論區, 公共巴士服務規例
阿伯帶熨衫板上巴士 連累全車人落車
早前，有網民在社交平台Threads發文，指在荃灣目擊一名阿伯試圖攜帶熨衫板上巴士，不過被車長以「熨衫板超長」拒絕登車，二人爭持不下。由於阿伯堅拒下車，最終連累其他乘車需要轉搭下一班巴士。阿伯不滿司機決定，反稱「唔好搞事啦」﹑「4個站點會唔得」，在等候下一班車期間，又與其他乘客發生口角。（按圖睇事發經過）
相當文章︰
大叔強行將超市手推車帶上巴士
近日，有網民透過社交平台發帖，指一名大叔在廣福邨乘坐71K巴士時，不理會司機的阻撓，強行將超市手推車帶上巴士。相中可見，該名大叔上車後，將一輛超市手推車停放在巴士通道旁邊的傷殘人士位，未有扣上安全帶，並站在旁邊身頂著手推車待司機開車。
相關文章︰
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
