億萬港姐拒同男友AA制 解釋1個原因強調唔係拜金！稱拍拖最睇重呢樣？
32歲龐卓欣（Ada）在2015年當選港姐亞軍後，卸任後卻未有加入娛樂圈發展，隨即華麗轉型做YouTuber，一邊教人唱歌，一邊做KOL分享日常生活。早前龐卓欣拍片分享她對於「伴侶之間應否AA制」的看法，她直言因為一個原因不能接受AA制，但強調自己不是拜金女，引起網友關注。
龐卓欣1原因不能接受伴侶之間AA制
日前（13日）龐卓欣在社交平台上發布新影片，今次主題是有關伴侶之間應否AA制（即 各自付一半的錢），指最近有學生問她「同男朋友、老公會唔會50/50畀錢？」。龐卓欣表示，她在讀書時期是不介意「AA制」，因為當時與男友都是在用家人的錢。但隨著踏入社會、開始工作賺錢後，龐卓欣便不太贊成繼續「AA制」。
龐卓欣指出，自己是以結婚為前提交往，希望可以找到一個可以照顧自己的人，「我揀男朋友都係想結婚，所以先拍拖，唔係拍拖嚟做咩啫？咁我就想搵一個男仔係真心想照顧我」。同時，她認為不是金錢多少的問題，而是希望男方可以主動肩負照顧女方的責任，「但我係想男仔主動『呢個女仔我想照顧佢，畀最好嘅嘢佢』，細嘅嘢我畀我唔介意，但其實每個女仔想一個男仔照顧都係好正常，我覺得慳係唔緊要嘅，但係對自己屋企人或者對自己愛嘅人唔好太斤斤計較」。
拍拖最睇重呢樣？再三強調自己不是拜金女
特別是懷孕期間，龐卓欣指懷孕時無法工作，女方都會希望另一半可以照顧自己，並再三強調自己不是拜金女，不會因為錢而結婚，「我唔係要做gold digger（拜金女），有層樓先嫁畀一個人，唔係咁，就係通過日常呢啲小小嘅嘢，你知道呢個男仔其實對你有冇誠意」。
網友大讚龐卓欣說法有見地
最後，龐卓欣重申以上只是個人看法，她認為只要雙方不介意、過得開心，其實「AA制」也並沒有問題。影片曝光後，引起不少網友關注，不少人都認同此說法，大讚她這番言論好有見地。
▼網友留言▼
龐卓欣家底厚到「唔憂做」
雖然不接受「AA制」，但龐卓欣本身家底豐厚，有傳其父身家逾億萬，自小生活無憂的她根本「唔憂做」。據了解，龐卓欣爸爸除了是基金經理兼股評人，同時也是東驥基金管理董事總經理龐寶林，與不少政界猛人關係良好。在「富爸爸」的資助下，龐卓欣早在2015年已榮升做業主，當年她豪擲約1200萬元購入銅鑼灣一個700呎單位，年紀輕輕已實現上車夢。
來源：IG@adapcy
龐卓欣素顏上陣拍片 自爆當年1件事嚇到想退賽？
龐卓欣曾在內地社交平台「小紅書」上，拍片分享自己當年差點沒有參加港姐競選的經過。她憶述，當年搭車到TVB電視城時，被車外追訪的記者嚇倒，讓她一度萌生起退賽的念頭，「始終呢個場面我自己係未試過嘅，所以當我見到咁多記者湧上嚟然後影相呢，我嗰時係諗住即刻縮沙㗎。」
龐卓欣直言被記者嚇到不想參選
當時龐卓欣驚到躲在座位下，甚至打電話給媽媽，直言自己不想繼續參選。但媽媽就鼓勵她要勇敢嘗試，回想起當時狀況，龐卓欣笑言：「我真係好慶幸媽咪當時的意見，而唔係叫我即刻走，因為好多嘢都係一剎那之間的決定就會改變了人生的方向。」
多得媽媽安慰 龐卓欣最後決定繼續參選
龐卓欣認為，若當初沒有參加香港小姐競選，直言自己現在很可能不會成為一名KOL、音樂老師，「如果我嗰陣時唔係打電話畀我媽咪，我諗我都真係會掉頭走咗，然後冇參加過香港小姐，就應該唔會做到好似而家咁樣嘅influencer，或者教唱歌亦都可能會難啲有學生。」
相關帖文：15年港姐亞軍龐卓欣轉型做KOL 6年前富貴買樓上車！素顏上陣拍片大爆當年1件事驚到想退賽？
龐卓欣與男友拍拖五年
龐卓欣與外表高大靚仔的金融才俊男友Patrick拍拖五年，不時在YouTube影片平台上分享拍拖生活，也曾經表示兩人都有共識走向結婚階段，似乎都好事近！日前，適逢兩人拍拖五周年紀念的大日子，龐卓欣就與男友北上深圳慶祝，嘆盡酒店玩樂、按摩、美食，Sweet爆大晒幸福。
龐卓欣恩愛錫錫男友
龐卓欣更拍片紀錄低與男友的恩愛時刻，在社交網分享剪輯短片，並發文寫道：「這5年真的很幸福」，幸福之情溢於言表。片中所見，龐卓欣與男友在用餐時公開咀嘴放閃，愛得高調，如入旁若無人之境，可謂Sweet到爆！
港生活人氣本地熱話
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
