異空感應｜譚凱琪妝前妝後極大反差！現實中與龔嘉欣合力經營時裝生意
TVB劇集《異空感應》持續熱播中，近期最搶眼的角色定必要數，罕有飾演硬朗急躁女Madam的譚凱琪（Zoie）。譚凱琪（Zoie），在劇中除了要挑戰飾演與真實性格完全相反的強勢女Madam外，又要挑戰連串動作場面，令觀眾刮目相看。
罕有飾演硬朗急躁女Madam的譚凱琪（Zoie），今次大呼開心及過癮：「我成日都想做打女，因為好型，同埋做演員咩都要試吓吖嘛。呢套劇好多打鬥都係我自已親身上陣架，都叫圓咗做打女嘅心願，同埋拍出嚟真係好型。」與監製已非首度合作的Zoie，坦言很感謝對方再次給予如此有發揮的角色：「角色本身個故事好豐富，除咗小產過、又要面對老公有外遇，所以情感方面好多創傷，我都覺得佢好慘。但因為係上司嘅關係，返到公司又要扮到好tough咁，有血有淚幾好玩。」
日前一集，譚凱琪亦全方位展現了角色在劇中堅強與柔弱的反差面，平時嘈嘈閉、對著下屬及犯人咬住唔放的Madam焦，面對信錯下屬、小產及老公有外遇三大難堪處境顯得無限慘情軟弱，昨晚遭外遇老公無情冷待後以淚洗面的場口，更是我見猶憐，加上近乎素顏的狀態，令場口及角色別具感染力。
不少網民收看《異空感應》時，均留言表示譚凱琪瘦了不少，譚凱琪坦言每次拍劇必然至少瘦一圈：「我睇番都覺得自己原來咁瘦，拍嗰時唔覺架，其實我每次拍劇都會瘦，我本身做嘢好tense，會冇乜胃口同食無定時，當然嗰時仲要分身照顧小朋友變相有無形壓力都有影響嘅。」
與張美妮一樣是幸福人妻、兼已涉足生意界的譚凱琪，與好友龔嘉欣今年開始合力經營時裝生意，譚凱琪笑言過程都是從橦板中學習：「起初都係抱住試玩嘅心態。呢盤生意我哋係由零開始，每個step都要親力親為，由設計到營銷宣傳都係一手一腳去試去撞板，冇得嗌辛苦。因為當你開始咗去做，你就要全力以赴，做到最好。」
港生活人氣娛樂新聞
↓【限時搶⚡】森源安睡足艾貼↓
↓吸走體內毒素｜改善血液循環 ↓
✨大派120盒艾草溫熱舒壓貼✨
↓ KO肩頸／腰背痛💆、改善手腳冰冷、舒緩疲勞！↓
