香港元祖級YouTuber Ming仔，近年在YouTube界越撈越掂，其頻道訂閱人數即將衝破80萬。除了積極經營頻道，早前Ming仔宣布開班教人做YouTuber，位位收費5位數，引起港人關注。有網民表示Ming仔賺到笑，一個小小課程已經賺到過百萬，但也有網民嫌其收費太貴，「香港有冇咁多水魚」、「買big data分析服務都唔洗咁貴」。
Ming仔開班教學 出價5位數教人做YouTuber
近日Ming仔宣布開設《億萬YouTube故事術》課程，教人講故事Storytelling技巧以及創作熱門YouTube影片的秘訣。原先課程定價為$43,800，早前他推出聖誕優惠價，課程學費低至$8,750， 名額200個，而且還可以免費試堂，有100％退款保證，難怪一推出便火速售罄。
100％退款保證？網民留言呻收唔到退款
其實Ming仔開班並不是新鮮事，早在今年8月時他亦曾推出《億萬YouTube故事術》課程，當時200個名額在2日內已被掃光，隨後加開的100個名額同樣極速賣晒，看起來非常受歡迎。雖然課程大賣，但也有傳出爭議，早前有網民於Ming仔的IG帖文留言，指自己遲遲收不到課程退款，「說好的14日退款保證，Send左3個email完全無回應」。
網民嫌太貴：香港有冇咁多水魚
此外，有網民認為課程收費太貴，「八千幾蚊真係有傻仔會搵呢條友上堂...」、「呢啲19嘢都賣8750」，並指出Ming仔完全是賺到笑，「一個聖誕就賺175萬」。有網友則分析課程實用性，又認為香港YouTube界市場太小，直言「學黎真係有用？」、「其實要參加/去學已經證明唔適合做YouTuber」。
▼網民點講▼
部分網民力撐「抵佢賺」
但也有網民支持Ming仔，大讚他Storytelling技巧出色，所製作的影片生動有趣，條理分明，絕對有資格出來開班教學，「抵佢賺到呢百幾萬」、「明仔勁在食到YouTuber紅利」。
Ming仔是香港元祖級YouTuber，自2010年起在網絡世界打滾，當時他上載《今日freestyle：每天自戀多一些》，影片大獲好評而受到關注，隨後他也拍攝過不少旅遊節目。近年Ming仔成功轉型，在YouTube創立「不正常研究所」，影片主力分享各國歷史及政治時事，廣受觀眾喜愛，可說是在YouTube界越撈越掂，現時頻道訂閱人數即將衝破80萬。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
