提到茶餐廳太陽蛋，大家第一時間想到的煎蛋是怎樣的？近日社交平台上掀起一場太陽蛋之亂，有食客疑似不滿餐廳上菜的太陽蛋，於是在社交平台發文諷刺「太陽蛋係咁，又學到嘢。」帖文旋即引起討論，有網民不解食客不滿意甚麼，認為如果要求熟一點，可以點荷包蛋或反蛋。亦有人理解樓主，認為該煎蛋的確太生，「蛋白煎完重係鼻涕咁款。」
食客疑不滿茶餐廳太陽蛋發文惹議
日前有食客在Facebook群組「香港茶餐廳及美食關注組」發文，懷疑不滿餐廳煎蛋烹調方法，稱「侍應姐姐話太陽蛋係咁，又學到嘢。」帖文火速引來熱議及大量「哈哈」表情回應，有網民質疑：「呢個唔係太陽蛋，咁係咩蛋」，點讚數量甚至超越了帖文。從圖片可見，該煎蛋蛋白蛋黃分明，橙黃色的蛋黃如同如日中天的太陽一樣。
網民：你想要太陽蛋？反蛋？煎熟蛋？
太陽蛋（Sunny side up egg）一般做法是將雞蛋的其中一面煎焦脆，而朝上的另一面的蛋黃和蛋白則保持半熟的狀態，如同太陽一樣。帖文引來廣泛討論，有網民好奇究竟樓主想食哪一種煎蛋，是否混淆了太陽蛋與兩面煎熟的反蛋與荷包蛋，或者對太陽蛋有其他要求，「係唔係覺得佢太生？下次叫荷包蛋啦」、「可能要脆邊蛋白全熟蛋黃流心」、「你心目中既太陽係日出，正午還是黃昏？」
不過大眾對於反蛋與荷包蛋的定義亦有輕微分歧，有人認為蛋白全熟蛋黃全熟的煎蛋才算反蛋，若只有兩面蛋白煎全熟，而中間蛋黃流心，落單時應稱為荷包蛋。
有網民撐樓主：生咗少少，仲見到好多蛋液
另一方面，有人猜測樓主認為煎蛋過生，連蛋清都未煮熟，「可能覺得生咗少少，仲見到好多蛋液」、「下面嗰隻其實唔合格，冇燶邊，生過頭」、「蛋白煎完重係鼻涕咁款。」亦有網民撐樓主「下面嗰隻不論係生熟度同脆邊都係差過上面嗰隻，上面嘅水準我覺得完全好得，下面嘅水準我唔會收貨。」太陽蛋生熟程度的確睇廚房手勢，如果擔心過生，有留言提議可能落單時講「太陽蛋收蛋白。」
網民翌日火速出Post「致敬」
帖文發布後翌日朝早，已有網民出Post抽水，「老闆娘話太陽蛋係咁，又學到嘢。」帖文同樣獲一眾網友捧場，紛紛留言，有不少鬼馬回覆「下次order 太陽蛋，要講埋幾點鐘，6點？7點？8點？」、「下次叫日全蝕，會唔會成隻蛋燶唒！」、「有冇木星蛋？」、「你哩隻叫燶邊蛋架，你都唔識既。」
▼網民留言▼
雞蛋不同食法的英文叫法
來源：Facebook群組、HKET、Pexels
」，
App內睇文同睇片可隨時捕捉U Fun彩蛋，
換領現金券及禮品！
【請您食😋】利苑賀年糕品✨ ！
↓免費品嚐如意蘿蔔糕 x 招牌棗皇糕↓
↓【出POST即賺錢】《社群》再派錢！立即參加～↓
↓立即參加！賺取無上限現金賞💰↓
