大埔發生懷疑傷人案，九巴司機遇襲倒地。昨晚（1月12日）有網民在社交平台發文，指一名男乘客因未有摺疊嬰兒車被司機拒絕登車，雙方發生爭執。網民稱「男乘客就郁手推個女司機 司機就瞓低咗喺地下。」晚上10時許，警方接獲報案，指一名男子於大埔巴士總站襲擊九巴女車長。涉案男子被警方以涉嫌「普通襲擊」拘捕。
攜未摺疊嬰兒車被拒登巴士 男子出手推跌女車長
昨晚（1月12日）有網民在Facebook群組「大埔 TAI PO」發文，指一名男乘客因未有摺疊嬰兒車被司機拒絕登車，雙方發生爭執，僵持不下。後來有另一輛同路線巴士駛至，男乘客與家人欲上該輛車，遭到女車長制止。網民稱「男乘客就郁手推個女司機 司機就瞓低咗喺地下」，更補充「跌落地下嘅時候聽到佢個頭撼咗落地下，都好響下。」
根據目擊者發布的圖片，車長倒地後，有救護車到場，亦有數名巴士公司職場到場了解事件。
警方及九巴回應事件
九巴譴責一切對車長的暴力行為，會配合警方調查事件，並提醒乘客，根據《乘客須知》，攜帶嬰兒車的乘客須將嬰兒車摺妥及把嬰兒車放於巴士的合適位置（兒童輪椅除外），車長及站長為公眾安全著想，有權向乘客發出指示。
▼按圖睇警方及九巴回應詳情▼
網民怒斥：細路睇住呀爸推人，身教
帖文發布後引來熱議，網民一面倒批評男乘客不是，「上吾上到車就出手先。就一定錯」、「仲學人做父母～懶得收車就自己推返屋企咪阻住其他人啦」、「恰女車長，男車長佢就唔敢郁手」、「個細路睇住呀爸推人，身教」、「點會收唔到BB車, 事在人為, 人地巴士有規條。」
其後有自稱是事主家姐的網民發文，從另一個角度解釋事件，她炮轟女司機態度惡劣，「你洗唔洗咁呀，揸巴士咋你，你有冇同情心，跟住佢自己扮瞓低，唔想做咪出聲囉。」該帖文約10分鐘後已刪除，惟已被網友截圖。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Bheue天然活膚保濕護理系列！↓
↓ 天然成分、溫和有效/全方位呵護孕媽↓
↓【限時搶⚡】BHAWA香薰減壓滾珠精油系列！↓
↓ 天然成分｜幫您放鬆、緩解焦慮↓
