港島區屋邨貼告示禁止保安收利是！一到新年不少樓下看更都會「特別積極」，主動為住戶開門、講早晨等熱心行為。除了想和大家開心過年，都想各住戶「識做」派利是。不過，近日就有街坊在社交平台發帖，發現港島區一個公共屋邨大堂貼出告示禁止保安收利是！反而有網民就不滿直斥「一年到晚頭嗰幾日大家開心有乜所謂？」，即睇通告點講！
港島區屋邨貼告示禁止收利是？
近日就有筲箕灣愛東邨街坊在Facebook群組「筲箕灣西灣河關注組」發帖，大喊「注意！保安唔可以收利是」，並上傳了一張大堂的通告。通告上寫到「根據合約條款，本辦事處屬下及承辦商員工（包括保安員、清潔及保養承辦商員工）均受《防止賄賂條例》約束，不可收受任何利益，包括『利是』或禮物。敬請留意。」通告呼籲各住戶禁止派利是，以及保安等職員都不能收取利是。
一到新年樓下看更「特別積極」？
一到新年不少樓下看更都會「特別積極」，主動開門、講早晨等熱心行為，平日木口木面都會笑容滿面。除了想和大家開心過年，都想各住戶「識做」派利是。甚至有網民分享，新年期間樓下會增添人手？「平時每更得2個人，係新年時會一更6個人，前後門一定各企2人幫你開門」。不過在新年的喜慶日子，人人都想開心展開新的一年，亦可以藉此機會答謝保安一年來的辛勞，都是一件皆大歡喜的事。
網民轟：大家開心有乜所謂
不過，帖子上就有網民不滿新年習俗被禁止，留言「鍾意咪俾囉！而家搞到咁樣西口西面年初四咁！」、「開工利是都唔可以？」，即睇其他網民點講！
《防止賄賂條例》係點講？
根據香港廉政公署ICAC《防止賄賂條例》，「利是」及禮品均屬利益。 若利用職位或權力接受利益，且未取得機構的書面批准，公共機構僱員及餽贈者雙方均會觸犯《防止賄賂條例》第4條。 最高刑罰可被罰款50萬元及監禁7年。即睇詳細條約！
」，
App內睇文同睇片可隨時捕捉U Fun彩蛋，
換領現金券及禮品！
【社群招募】鍾意周圍打卡影相嘅後生仔女！
↓ 登記即有機會帶走Fujifilm QuickSnap Simple Ace 即棄相機！↓
↓【限時搶⚡】DoDoME發財有福轉運洗衣珠！↓
↓ 攞齊「發」「財」有「福」｜抑菌除蟎、持香30日↓
