張振朗於《萬千星輝頒獎典禮2024》憑《反黑英雄》首奪「最佳男主角」，榮登「視帝」寶座。不少網民讚賞張振朗入行14年，演技愈趨成熟，近年劇集的表現有目共睹，尤其上一次最接近「視帝」獎項的《拳王》，張振朗猶如「電視界張家輝」的爆肌演出，令人印象難忘。
回顧張振朗《拳王》爆肌演出
2021年，張振朗於台慶劇《拳王》苦練多時的爆肌演出令人印象深刻，脹爆的胸肌配以零脂肪、線條靚絕的無敵朱古力肌，吸睛度爆燈！
開拍前一年多地獄式操肌
張振朗當時為了操出靚肌下了不少苦功，早在劇集開始拍攝前一年多，已經開始地獄式操fit身形，控制飲食。張振朗接受訪問時，曾經透露第一步是谷肥自己：「當時一日食五餐，主要都係牛扒同大量嘅飯，因為要先谷肥，增加脂肪同埋肌肉，咁樣操番弗嘅時候啲肌肉先至會更加有份量。」
日食夜食增重40磅
「日食夜食」食足一年後，張振朗成功「泵脹」自己，增重多達40磅之餘，更谷出驚人巨腩，他笑言：「增肥嗰陣咁啱有兩套劇出街，就係《使徒行者3》同《踩過界2》，當時好多人話我肥咗。」
聽從教練建議飲雞水
接下來的半年，便是地獄式的操肌訓練以及超清淡健康餐單；由於吃白烚雞肉吃到懷疑人生，張振朗聽從教練建議飲雞水：「因為每一日食嘅（雞肉）量要好多，飲雞水可以補充到足夠嘅蛋白質，又唔使好似食擦子膠咁，個過程幾有挑戰性，辛苦但係對自己身體了解多咗。」張振朗全身上下均弗至無懈可擊，就連背部線條亦操得相當完美，可見下了不少苦功。
胸肌腹肌背肌脫胎換骨
《拳王》於2021年在台慶劇檔期播出後，張振朗成功以超強八嚿腹肌、麒麟臂的爆肌身形驚艷觀眾，加上劇中的角色形象鮮明立體，令張振朗再度有力問鼎「最佳男主角」寶座，可惜最後仍然鎩羽而歸，當年敗給《換命真相》的譚俊彥。
」，
App內睇文同睇片可隨時捕捉U Fun彩蛋，
換領現金券及禮品！
【社群招募】鍾意周圍打卡影相嘅後生仔女！
↓ 登記即有機會帶走Fujifilm QuickSnap Simple Ace 即棄相機！↓
↓【限時搶⚡】BHAWA香薰減壓滾珠精油系列！↓
↓ 天然成分｜幫您放鬆、緩解焦慮↓
