2025風生水起｜蕭正楠被麥玲玲師傅點評蛇年運程 談生仔定生女表情洩端倪
TVB一共十三集的風水賀年節目《2025風生水起》由薛家燕、胡美貽、莊子璇、徐文浩擔任主持，早前一集邀來準星爸蕭正楠擔任嘉賓，另外還有堪輿學家李丞責、麥玲玲、唐碧霞、元海＋海嫂、黃楚淇、KK師傅、權朗、雲文子為觀眾指點蛇年迷津。節目中，蕭正楠被麥玲玲師傅點評蛇年運程，就被批「拗交唔會贏到黃翠如」...
節目日前播出第二集，「開運搵師傅」邀來準星爸蕭正楠擔任嘉賓，蕭正楠透露目前心情「戰戰兢兢」，皆因擔心太太黃翠如的情緒起伏：「要留心聽佢講嘢情緒有冇起伏，冇嘢就冇嘢，有嘢就知自己有嘢做得唔好。」
蕭正楠自認是傳統的人，以前會幻想如果生的是兒子可以一起玩樂、做運動，但後來因漸漸受到身邊朋友影響，才驚覺生女的樂趣也很大：「見到洪永城或身邊同事生咗女都非常之冧，所以好矛盾！」家燕姐遂追問翠如喜歡仔還是女，蕭正楠對此未有正面回答，更鬼馬地說：「佢鍾意我囉！」
麥玲玲師傅續指屬蛇人士較含蓄，而蕭正楠與BB同樣屬蛇，故性格似容易相撞；相反黃翠如屬雞，與蛇相合，並指屬雞人士較直率。麥玲玲師傅更謂：「拗交好難贏到雞，所以相對係翠如話事。」家燕姐聞言又乘機追問蕭正楠家裡是否由翠如話事，蕭正楠一個反應即被玲玲師傅指「戲屎」，而蕭正楠還自揭早已心急砌好BB床，後來才知道犯了禁忌。
黃翠如佗B遮肚去海洋公園摀低身睇熊貓 老公蕭正楠一舉動證「愛在細節中」
日前，黃翠如就與老公蕭正楠去到海洋公園睇大熊貓，見到二人夾好「夫妻檔」dress code，齊齊穿上粉藍色的衣服去探熊貓BB。而黃翠如一身粉藍色冷衫造型，巧妙地遮住懷孕多月的巨肚，而老公蕭正楠見到老婆婆黃翠如半摀低身，趴在旁邊看熊貓時，身為「愛妻號」立即有一個舉動，名副其實「愛你愛在細節中」！
▼▼點擊睇蕭正楠一細節舉動▼▼
黃翠如撰文寫道：「記得那天看新聞，知道盈盈和樂樂有咗BB，我哋兩個聽得有啲激動🌈 今日終於可以嚟見你地，好幸福的感覺。希望家姐細佬都俾啲祝福我哋🥰 感謝所有安排，好幸福❤️」懷孕多月的黃翠如早前挺着巨肚出席澳門舉行的《萬千星輝頒獎典禮2024》，當晚她的晚裝上有三粒星星，當中意義別具心思，「把裙子穿上身上，才發現，三顆星星，代表爸爸，媽媽，和小肚子🌈」
港生活人氣娛樂新聞
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
↓【招募試食員🐱】送Harlow Blend全新貓糧系列！↓
