痞子無間道｜朱敏瀚騷肌晒45吋巨胸接棒露肉「古代黑Bra」靈感竟然來自頭帶
TVB新劇《痞子無間道》熱播中，繼之前周嘉洛為了《痞子無間道》「獻身」，接連兩集上演了合共17分鐘的「裸露戲」，再加上「移動格仔」的配合，喜感十足。日前一集另一名男主角朱敏瀚接棒擔任「露肉擔當」，騷肌大晒45吋巨胸！
在劇中飾演電力無邊的慕容恭梓的朱敏瀚，繼之前壁咚JW及何泳芍後，昨晚再度發功輪流壁咚林漪娸、車婉婉甚至安德尊！出名好演技的漪娸姐，全程全情投入向朱敏瀚大派心心眼的同時，還激罕地以「嬌嗲聲線」演出！車婉婉與朱敏瀚的壁咚戲亦同樣有記憶點，除了婉婉由內到外的「心花怒放」表情連環送，其出手撫摸朱仔健碩胸膛的急色樣亦是喜感十足。
除了連環壁咚女對手，朱敏瀚昨晚一集還不止一次犧牲色相！劇情講述符玲（陳瀅飾）某天醒來後，發現閨房離奇出現大批銀両，不過符玲對事件因由零印象。符玲之後發現費仁（周嘉洛飾）、恭梓、高強（JW飾）及太師（黃子恆飾）原來牽涉其中，似是有感情發展的阿強和恭梓，更離奇地在同一張床上醒來！幾經擾攘，為了追查真相，符玲等人在恭梓出浴期間二話不說強闖淋浴間，「哨牙珍」（何泳芍Honey飾）更意外將較剪跌了進浴桶內，令恭梓無辜陷入困境…而朱敏瀚相關場口與嘉洛「裸露」場口一樣，獲劇組貼心格仔保護重要部位。
朱敏瀚接受訪問時，被問到是次是否其拍劇生涯以來「壁咚」次數最多一次，他笑言：「呢套的而且確係壁咚得最多女性嘅一套，其實唔止佢哋架，之後我仲會壁咚埋臨時演員。但其實恭梓咁樣做背後係有苦衷架，大家睇落去就會明。」朱敏瀚又笑言與前輩漪娸姐及車婉婉拍壁咚戲零尷尬：「一來佢哋都好專業，二人大家本身都熟。」
至於車婉婉則坦言拍攝時心花怒放：「呢件事本身對於我已經好新鮮，仲要對住啲鮮肉，加上佢脹卜卜嘅心口壓埋嚟，係好high嘅，我嘅演繹係真情流露嘅，我哋兩個都係認真做嘅，咁先好笑架嘛，所以我係真係心花怒放嘅，同埋事前我都有專登問JW壁咚嘅心得。」
林漪娸則笑言獻出了人生第一次壁咚戲，並踢爆朱敏瀚拍完相關場口後慘變「面紅男」：「我哋嗰個年代冇呢啲架嘛，所以做戲好玩就係咁嘅年紀，都會畀人壁咚。其實做笑戲會有好多爆肚，容易有火花，亦會有少少忍唔住笑架。朱敏瀚電力梗係犀利啦，佢哄到好耐嗰陣，我仲心諗點解佢啲眼睫毛咁長嘅？點解啲皮膚咁幼嫩嘅？但其實我覺得朱敏瀚係驚架咯，自從拍完嗰場戲，我之後每次叫朱敏瀚，佢就會即刻成塊面紅晒，個個都話好好笑。」
談到打格出浴戲，朱敏瀚透露「Honey跌較剪」原來是演員臨時現場Jam出來的，並大讚Honey專業：「因為Honey戴假髮嘅，佢浸咗幾次水之後跌埋個假髮，嗰場其實拍得好捩𠾍，但咁捩𠾍佢都肯伸個頭入水入面，完全唔理任何儀容同埋拍完後有幾麻煩，真係好專業。」
談到床上戲的交叉胸造型，原來是想做出bra的效果，朱敏瀚笑言之所以忽發奇想，是因拍除衫戲拍得多，所以想搞搞新意思：「我劇入面咪有兩條頭帶，我覺得咁樣著幾得意，咪玩吓花臣搞吓笑。」
港生活人氣娛樂新聞
【請您去旅行✈️🌎】
↓登記領取HK$1,500 旅遊資助金💰！↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
