北上熱潮減退？港人爆深圳3大「死症」惹議網民反駁：已經變咗習慣
港人北上內地一度成為熱門趨勢，不過近日有港人就指目前北上熱潮正減退，更加推斷是深圳3大「死症」所致，認為當地雖然有不少大型新商場，但部分店舖比香港賣得貴等，言論引來爭議，有不少網民就表示不認同，留言反駁指「熱潮變咗習慣」、「上去按摩，計埋交通，點都平過香港按摩」、「唔係你覺得少咗就少咗」。
北上熱潮減退？港人爆深圳3大「死症」惹議
日前有港人透過連登討論區發帖，以「北上熱潮開始減退」為題，分享自己對於現時港人北上的感覺，並分別列出深圳的3大「死症」，當中包括部分地方仍落後、部分商場店鋪物價貴過香港，又指「香港條街明顯多返好多人」等。即睇樓主點講！
▼深圳3大「死症」▼
網民：食肆因為香港人而貴咗
該帖文獲得逾300個負評，但都有200個讚好表示認同，有網民認為有關現象或與消費慾下降有關，「其實係整體消費意慾下降就真，就算北上多定少，都係唔想消費」、「部份行業經濟唔好，點都少消費」、「南山區不嬲貴開，綜合類商場較少，而且食肆因為香港人而貴左、「整體消費意慾下降，唔單止北上」。
▼網民留言▼
有人就覺得熱潮減退亦不出為奇，「返大陸都係得個食字，幾好服務幾好食，你食得多都厭啦，好多時都係點對點，行街又冇咩好行，行行下又係食食食」、「啲大陸人一見有得賺就加價，加完計返交通費用時間同香港差唔多，做咩要花時間同人迫同排隊」。
網民：唔係話特登去 變咗習慣咁
然而，都有不少網民反對樓主的說法，「唔係你覺得少咗就少咗」，指現時仍然有大批市民樂意北上遊玩，「而家北上消費慢慢由熱潮變咗習慣，我父母一兩年前都仲好抗拒番大陸，話驚治安唔好，到佢地同朋友上完一兩次，而家個個月都上去食飯，仲話要帶我地去食」、「喺香港出街都係食食食，不過啲嘢又貴又難食」 、「不過啲人臨時冇咩世藝都係走返深圳，都唔係話特登去，變咗習慣咁」。
▼網民留言▼
根據入境處的數據，2024年港人北上高達8,191萬人次，按年增加近53%；按每人每趟平均開支680元來計算，估計去年港人北上消費總額高達557億元，較2023年超出近200億元。另外剛過去的新年長假期，最後一日仍有逾42.3萬本港居民經深圳各口岸入境。
資料及圖片來源：連登討論區、HKET圖片庫、入境處
港人北上做5件事惹熱議！網民嘖嘖稱奇：車錢都蝕埋
港人北上深圳消費熱潮持續，近日有網民以「最癲見過香港人上大陸做乜」為題發起討論，有人分享見過港人北上以25蚊人仔剪頭髮、特意去雜貨店掃貨等，當中亦有不少常見必做事項，令不少網民感驚奇，直言車錢都蝕埋。
愈來愈多港人北上深圳吃喝玩樂，最近有網民就於連登討論區發帖，以「通關後最癲見過香港人上大陸做乜？」為題，引來不少網民和議兼引起一番討論，其中不少人對港人北上做5件事最感驚訝！
1. 深圳25元人民幣剪頭髮
樓主指出，曾經見過有兩公婆前往深圳的城中村（意指留存在城市區域內的傳統鄉村）剪頭髮，兩人埋單合共50元人民幣有找，人均低至 25元人民幣剪髮，價格認真極平。有網民直言，香港速剪亦見過最平$20至$60不等，而且於內地剪髮無法預料髮型效果，認為「25蚊（人民幣）肯定唔會好先」。
2. 內地雜貨店掃貨
樓主又指，曾見過有父母特意前往內地，為子女添置上學用品及玩具，並強調並非新移民家庭。有網民對此表示不解，笑指花費數十元買過百支筆，一年要用完應該「靠罰抄」；亦有人覺得買平價日用品質素劣，很快用爛又要重新買，變相並沒有特別抵，加上未計車費，認為「雜貨鋪不如淘寶，平得黎又多」。
3. 北上睇牙
有不少網民加入討論，指出近年大批港人選擇前往深圳（或內地）睇牙，例如洗牙、剝智慧齒、種牙等，令部分港人大惑不解，引來網民留言回覆，直言「以前好多人上去睇牙，一啲都唔癲」；有人則指北上睇牙價錢確實較香港便宜，「100人仔都唔洗，大型連鎖仲免費照X光check（檢查）埋牙，咁既收費同服務點會仲係香港洗牙」。
4. 專程北上睇醫生
有網民就指出，認為港人專程北上深圳看醫生「好癲」，認為香港醫療水準在全球首屈一指，直言大部分內地中產人士或者富豪，均會選擇來港看醫生或排期手術，然而有部分港人反前往內地醫治，深感不解。
5. 北上買純種貓
此外亦有網民指出，最癲見過港人特意北上買純品種布偶貓返港，而且與香港價錢相差不多。然而，有其他網民就質疑買貓「過到關既咩？」有網民表示，曾見過部分內地寵物店提供運送服務到港，但安全成疑，建議購買前詢問清楚相關細節。
資料來源：連登討論區
港生活人氣本地熱話
【請您去旅行✈️🌎】
↓登記領取HK$1,500 旅遊資助金💰！↓
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
