沙田自提點求頂手？聲稱月賺$3萬、毋須用腦！轉讓費竟要呢個數？網民：真係搵鬼做

網上瘋傳自提點頂讓帖 聲稱月賺3萬蚊？

該名港人於連登討論區分享一則沙田自提點頂資訊，從相片可見，該自提點處於沙田住宅區，聲稱貨量巨大，可兼職打理，「毋須用腦工作」，參考每月利潤為$30,000。不過，樓主卻認為吸引力不大，並質疑實際回報與辛勞不成正比，「原來開自提點，年終無休，一個月只係淨袋3萬蚊，咁X辛苦真係搵鬼做」。

有人認同：仲辛苦過地盤

不少網民認同樓主觀點，指自提點工序繁重，並非如帖文所說「毋須用腦」那麼輕鬆，甚至直言「搬貨分貨應該仲辛苦過地盤，仲要對住D師奶西客」。有網民質疑帳目作假，「肯定作大數」、「淨執三萬我就唔信會轉讓，分分鐘係營業額得三萬」、「如果有利潤3萬，菜鳥自己收返黎做啦」。另有留言指出，隨著順豐、拼多多相繼推出自提櫃服務，未來市場或進一步收縮，風險不小。

+8

+7

點擊圖片放大

部分網民認為「當做埋gym」都值

雖然質疑聲音不少，但有部分網民認為自提點工作性質簡單、自由度高，對某些人來說仍具吸引力。有網民分享，「我樓下個啲一日2車貨到，用1小時入貨，其他全日坐係到打機」、「當打份自己工差唔多啦，揸的士咁啫」、「手板眼見功夫，30k算唔錯啦」。更有網民表示，自提點平日可自己睇舖，假日則請兼職幫忙，甚至兼營士多賣報紙、香煙等雜貨生意幫補收入，「好多自提點兼職做埋士多賣報紙煙仔賺多份」、「當做埋gym」。

+3

+2

點擊圖片放大

網民翻查原帖 頂手費竟高達45萬？

有網民翻查該自提點原帖，發現其頂手費竟高達45萬元，該帖文聲稱東主因「計劃移居外地」而放盤，店鋪月租為$20,000，營業額$75,000，利潤$30,000。但帖內並無提及裝修或設備價值，也沒有任何實際帳目佐證，令不少人質疑其真實性，「幾個貨架值40幾萬」、「4萬5都唔知有冇人頂啦」、「好做就唔會咁多做一陣就執啦」。

+4

+3

點擊圖片放大

來源：連登討論區