財政預算案｜財政預算案2025｜政府擬自今年9月起將取消$2500學生津貼，不少家長不滿安排。1名自稱「Ｎ無家庭」的港媽在得知$2500學生津貼被削後，即在社交平台發文上傳當日為女兒準備的「Hea 飯」，更指「我同女講，嚟緊飯盒都係咁hea架喇！節衣縮食喇！」帖文引來眾多網民討論，不少人指「$2500係我哋中產唯一既福利」，即睇下文了解事件詳情！
Ｎ無港媽餵女「Hea飯」
在財政預算案公布後，1名自稱Ｎ無家庭（無物業、無住公屋及無領取綜援家庭）的港媽在昨天（2月26日）以「HK小學生飯盒｜$2500津貼再見！」為題於小紅書發文，大呻「節衣縮食喇」，並上傳1張「Hea飯」圖片。
她認為$2500的學生津貼不用派給領取綜援者，但其他像她們一樣的「Ｎ無家庭」，應繼續獲發$2500學生津貼。
網民質疑︰咁都叫hea？
帖文引發熱議，有網民指出，港媽的所謂「Hea飯」，其實「唔hea la，豬頸肉都唔平㗎。」，獲港媽回覆解釋「係豬扒剪條呀！」，有人指「咁都叫hea，平時食開九大簋，我返學嗰時帶飯都係咁上下，菜肉飯仲想點。」。
對比港媽以往在小紅書分享的飯盒，可看出過往的飯盒都較今次的豐富。
網民︰$2500係我哋中產唯一既福利
帖文引來眾多網民討論，不少人都認同港媽，反對削減$2500學生津貼，「唔係我地一年拎唔到2500出黎，而係現在唯一一樣對不公平社會的安慰劑都無埋！」、「唯一可以拎到嘅政府津貼都冇埋，稅就交到盡，內心真係好唔平衡，又無可奈何」、「苦了我們這些小康。吃不到一點」和「其實真係好陰公」。
不過，有網民好奇詢問「其實，你自己有小朋友，但你講到自己都仲要交稅，即係收入都有返咁上下高，有無個$2500有影響咩？」，港媽留言回覆指「唔會開唔到飯！不過開學個啲洗費..有幫補會好好多囉！唔係樣樣硬食比原價，人地伸手拎綜援乜都有時，心理唔平衡」。
港媽更新：刻薄自己都唔捨得剋扣個女飯盒
港媽在今天（2月27日）早上以「繼續生活」為題再發文，表示自己女兒的飯盒已經回復至豪華豐富版本，不再是「Hea飯」，指「飯都係要煮，刻薄自己都唔捨得剋扣個女飯盒，生活都係繼續，同埋繼續睇劇......」。
▼原帖文▼
來源︰小紅書@你不入廚房 誰入廚房
張致恒發文炮轟《財政預算案》
日前新一份《財政預算案》宣佈今年9月起取消2500元學生津貼，而張致恒就在IG連環發文出兩個限時動態炮轟，表示對此感到相當不滿。
張致恒與老婆雯雯隔空開戰互片
早前張致恒與老婆雯雯在IG限時動態，透露新日屋企面臨被cut電，於是兩公婆突然隔空開戰互片，雯雯再鬧爆Steven作為男人冇擔當，而Steven亦用五字剖白內心真實感受！
雯雯情緒失控嗌全家跳樓
早前雯雯又在IG發文指，一家已經走到窮途末路，更情緒失控表示要全家跳樓，情況令人擔憂。
相關文章︰
25/26學年起取消2500元學生津貼
財政司司長陳茂波今日（2月26日）發表新一份《財政預算案》，面對逾千億赤字，預算案推出多項減少支出的措施。
教育方面除了會削減提供予8大的撥款外，至於備受關注的學生津貼，雖然記者會上沒有提及取消與否，但翻查《預算案》教育局文件可見，將由2025/26學年起，取消為中小學和幼稚園學生提供2500元學生津貼。
料政府每年節省約20億元
該筆津貼由2020/21學年開始恆常化，涵蓋全港幼稚園、小學和中學學生。由於毋須經資格審查，便可獲發每年2500元學生津貼，基本上可說是「人人都有」。如果以現時全港約80萬學生計算，每年開支增至約20億元，預計津貼取消後，每年可節省約20億元。
網民反問「知唔知道書簿費係好貴！」
取消學生津貼消息一出，即引來市民極大回響。有網民表示，「應該取消生仔二萬，俾返學生2500蚊，書簿費勁貴」。另有網民亦指，「$2500一早恒常左，唔好講得出就講」、「唔通學生要跑外賣，先可以搞到書簿費」、「你留返一半都好呀全cut。」
▼即看網民反應▼
相關文章︰
最新消息︰財政預算案建議25/26學年起取消$2500學生津貼
新一份《財政預算案》2月26日出爐，財政司司長陳茂波要求相關政策局檢視社會福利、醫療衞生和教育方面的開支，表示「這三方面的經常開支在本財政年度均分別超過一千億元。我們需善用資源，檢視資源運用的可持續性」，料削減多項教育資源，當中包括今年9月起取消目前恆常的2500元學生津貼。據政府消息人士表示，預計取消該學生津貼可節省近20億元開支。
但同時強調，有經濟需要的學生仍可透過其他資助計劃獲得資助，例如書簿津貼、車船津貼等。
教聯會對政府將整合部分津貼及調整發放安排回應
相關文章︰
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】SMS Cosmetics UV雙效紅外線隔離霜！↓
↓ 長效阻隔UV及紅外線｜同時保濕、滋養肌膚↓
↓【主子請慢用🙇】送您喵星人dah「好物試用組合」！↓
