3個最常見「窮有窮養」例子！睇醫生就係嘥錢？呢句話引發網友共鳴：繼續複製貧窮
香港物價連年攀升，就連養育子女成本也十分高，曾有調查指出養育一個孩子至畢業最少要600萬，震驚不少想生兒育女的港人，近年甚至有人提出「窮人不要生仔」的言論。最近再有港人就養育子女方式發文，他認為「窮有窮養」的說法十分荒謬，並在文中怒斥「未X經歷過貧窮嘅人先會講得出窮有窮養呢句野」，引發網友熱烈討論！
窮有窮養成最大笑話？
該港人於Threads發文分享對「窮有窮養」的看法，他認為貧窮家庭經常為錢而爭執，家長總是有意無意地以「我喺你身上洗咗幾多幾多錢」、「識使錢唔識搵錢」方式去情緒勒索小朋友，影響其身心發展，甚至有些家長會灌輸錯誤觀念，例如「睇醫生=嘥錢」、「健康係唔值錢」。
▼3個常見「窮有窮養」例子▼
對於「窮有窮養」，有人會認為「窮都有好處㗎，窮先會勤力，有錢就會懶」，但樓主卻覺得這個說法十分荒謬，直指根深蒂固的貧窮思想才是最大的毒瘤，想要擺脫這種思想至少要比其他人多花10倍的努力和時間，他直斥：「未X經歷過貧窮嘅人先會講得出窮有窮養呢句野，真係窮養大嘅人係唔會想仔女再經歷多次」。
窮非罪過？網友：係你父母根本唔愛你
帖文一出，隨即在網上引起熱烈討論，網友反應兩極，有人認為「窮有窮養」並無不妥，並指出樓主原身家庭最大問題不是窮，而是父母沒有給予足夠的愛，「呢啲唔關窮唔窮養事，係你父母根本唔愛你，係唔識教無耐性唔好生先啱」。
▼網友留言▼
大多數網友撐樓主：冇錢真係唔好生
不過，大部分網友都認同樓主說法，「原生家庭真係會影響一生」、「窮人生仔係因為自私」，其中「睇醫生=嘥錢」引發無數人的共嗚。此外，更有網友反駁，指父母的愛當然重要，但愛不能解決生活上的柴米油鹽，「唔通用愛可以發電？可以醫肚？可以醫病咩？根本冇解決到窮人最根本嘅問題」。
▼網友留言▼
恒生調查：「養1個仔女要400萬」已過時
香港首位奧運金牌得主李麗珊曾在2006年恒生銀行廣告中表示「養大一個孩子需要400萬」，當時引起港大市民熱議。近年恒生銀行再進行調查，原來現在香港養育一個小朋友已經要600多萬港元，比以往多約56%。
恒生銀行於2022年6月進行「優越理財育兒及退休規劃調查」，訪問630多名持有100萬港元以上流動資產的優越人士。有家長表示養育一個孩子平均每年需花28.4萬元，按此計算 ，現時香港父母需要準備約600多萬元以支持子女成長至22歲經濟獨立。 此外，調查結果顯示，現今家長在培育孩子時，有82%受訪父母表示最著重為子女的身心健康和價值觀，其次為學業成績（43%）及財務安排（42%），反映家長比昔日更注重子女的多元發展，而不只是著重其學業成績，可見在香港養育小朋友不容易。至於退休部署方面，調查綜合受訪者的意見後，預計他們退休後的年度開支要達27.6萬元，才能維持目前的生活水平。
林嘉欣：平有平養、貴有貴養
影后林嘉欣當時曾就此分享個人見解以及如何栽培下一代，育有兩名女兒的她認為大家勿被數字嚇怕，「好多年前珊珊拍廣告講生囡要400萬，聽到我好驚諗住唔生，但最終自己都生咗兩個，使咗幾多真係唔知，總之平有平養、貴有貴養，有需要都要使嘅。」但林嘉欣亦希望大家不要被600萬元的數字嚇怕，她認為每名小孩養育方法都不一樣，大家所需要的是為子女及早準備，她舉例自己的兩名女兒一動一靜，長女愛閱讀，幼女愛做運動，要以不同方法栽培。
港生活人氣本地熱話
【免費試用🎁】RMK零毛孔素肌底妝系列！
↓☀️夏日必備防曬霜 x 皇牌輕透粉底液！↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
