鄧麗欣紅館演唱會尾場尾聲再迎高潮,Stephy穿上Moschino黑白波點背心長裙出場,演唱《Fantasy Tale》和《Let it Flow》,觀眾反應熱烈,都站起來跳舞,她說:「見你哋咁勁,送多份禮物畀你哋⋯」《心急人上》前奏響起,吳雨霏(Kary)、楊愛瑾(Miki)、區文詩(Angela)、何綺玲(Elaine)、馬思恆(Helena)及陳素瑩(Gloria)升上舞台,全場震撼尖叫,最尾齊擺甫士和一句「我哋係Cookies」掀回憶殺!
Cookies各散東西後合體
Cookies逐一向觀眾打招呼,Stephy表示好開心,問大家多久沒一起同台?Angela 笑說:「睇我哋幾唔齊咁介紹自己就知道有幾耐啦!」Stephy感謝她們上台,完成大家的心願。又稱Helena從美國特意返港,現在是藝術心理治療博士。Gloria則是女強人,Gloria笑說:「我已經轉咗行,多謝你畀機會我哋上嚟紅館。」她們合唱《Forever Friends》後,演唱會結束。但歌迷不肯散場,狂嗌encore,Stephy與樂手再上台,徇眾要求,應點唱《中華冷麵》和《最後一塊》,演唱會完滿結束。
被問Cookies會否重組出歌?
完場後,Stephy穿上Stella McCartney閃亮亮服飾接受傳媒訪問,她表示感激Cookies成員抽空演出,Stephy說:「我一直都好想呢個畫面可以第一次喺我紅館嘅舞台上呈現之外,我覺得好多觀眾都好想睇到,我好想大家好開心、好圓滿咁完成演唱會。」還透露綵排時大家都哭了幾次,實在太感動,很珍惜彼此。
▼▼點擊睇Cookies重組可能性▼▼
▼▼點擊睇Stephy點答▼▼
被問Cookies會否重組出歌?Stephy表示不會,大家各有發展。Stephy指今次紅館演唱會夢想成真,感恩團隊、歌迷和家人,自己亦付出超過100分。說:「尤其是今晚,我去盡,有幾多比幾多,見到大家嘅笑容同歡呼聲,我感覺大家都開心,好滿足!」