奪命提示｜陳山聰發起「瞓覺相Challenge」郭柏妍企喺到瞓！丁子朗崩壞樣曝光
TVB熱播劇《奪命提示》連場精彩動作場口引起網民熱烈討論，而下星期亦即將踏入結局週。早前在宣傳活動時，曾揚言手上持有大量「隊友」瞓覺相的陳山聰，亦終於「找數」，在社交平台「自爆」三張自己的瞓覺相，發起「瞓覺相Challenge」，劇中一眾主演亦接受挑戰！
陳山聰發起「瞓覺相Challenge」
日前陳山聰在社交平台「自爆」三張自己的瞓覺相，並hashtag「瞓覺相challenge」，著「隊友」跟著自爆。搞笑的是，走開潮人路線的山聰，就連瞓著覺也不自覺Chok甫，遭「隊友」留言取笑，其中振朗更落足鞋油：「阿頭～犯晒規喎，瞓覺都可以咁型。」
丁子朗半開眼睡相神乎其技
劇中一眾主演亦相繼上載瞓覺相，當中最吸睛的是丁子朗的「半開眼瞓覺相」及郭柏妍的「企棟棟瞓覺相」；對於丁丁能睜著眼睛睡覺，隊友嘖嘖稱奇，山聰搞笑留言指：「我有理由懷疑你係反我眼」，振朗則抵死留言：「子超，你唔好有事」，令劉佩玥也忍不住大笑：「喂呀！」至於郭柏妍的直立式瞓覺甫，則獲隊友封為「可愛睡模」，她自己亦乘機曲線宣傳：「Julie係咪周公嚟架？」
郭柏妍企喺到瞓
不過原來郭柏妍的企棟棟睡姿背後原來有段故，而且更相當專業。事緣她當日原來發高燒，但與韓馬利一樣因不想影響劇組拍攝進度，Rosita一直沒有說出自己發燒實情，就連監製Jazz也是最近才知道Rosita當日頂著高燒拍攝。另照片所見，Rosita的美腿還佈滿蚊赧，原來Rosita之前在南生圍拍攝重頭打鬥場面時，被蚊咬到一腳都是，認真我見猶憐。
張振朗劉穎鏇同框瞓覺
至於振朗與Tiffany的「同框瞓覺甫」，則遭監製Jazz取笑「識睇梗係睇腳」！原來驟眼看振朗恍似將腳晾在Tiffany腳上睡覺，但實情其實只是角度問題，但Tiffany仍搞笑地叫振朗「Please move your leg」，相當識玩。長期口多多的振朗，更搞笑地分享瞓覺必靚秘訣：「識瞓一定係gel晒頭，着晒皮褸，或者着禮服瞓覺，咁喺呢個世界就冇人可以影到我樣衰嘅瞓覺相。
港生活人氣娛樂新聞
↓【限時搶⚡】勁賞⻁標SENSORIAL THERAPY精油乳液(薄荷)↓
↓舒爽呼吸，清新醒神｜舒緩壓力，提升專注力↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
