TVB新劇《虛擬情人》昨晚(6日)一集劇情講到,程晴(王敏奕飾)昔日情史被翻出,原來經常對程晴出言輕佻的周柏賓(周志康飾),竟是程晴大學初戀,由於柏賓天性不忠,竟背著程晴與其他女生發生關係,令程晴蒙受陰影多年…Adam得悉一切後,說服程晴勇敢面對過去,程晴因而解開多年心結…
為營造中年崩毁感裝假肚腩+開工前喪食肥膩嘢
周柏賓這個角色絕對是渣男表表者,除對愛情不負責任、愛對女生毛手毛腳,亦十分不尊重另一半;昨晚其中一幕,柏賓完全無視程晴感受,將整桶冰兜頭淋令程晴透出內衣;縱然程晴事後一臉驚慌,但柏賓仍一臉不以為然,更為程晴改不雅稱號。對於飾演柏賓,周志康坦言是一大挑戰,因為看劇本時已覺得「呢個人唔係人」,所以最大難度是要說服自己個角色其實唔渣:「因為佢根本唔知咩係愛情,加上容易有女性埋身,佢覺得唔需要尊重女性。」
周志康坦言為了營造「校草不再」的感覺,更專誠刻意為角色增肥:「我每次開工前一晚都會食啲濃味同肥嘅嘢,等自己望落去腫啲,同埋好多謝梳化同事幫我加咗個假肚,都係為咗個反差效果,以前係校草,但若干年後崩壞晒,但依然仲以為自己好型,咁會仲乞人憎。」
讚王敏奕濕身拍攝淋冰桶場口零彆扭勁專業
周志康續指由於角色佬味濃,加上阿叔髮型好Kam,故第一次試造型時已受到取笑,當中包括林景程;他又笑言不敢讓兩名女兒看自己演出,因怕人設崩毁:「因為個角色太壞喇,費事畀佢哋見到爸爸咁衰蝦女仔。」談到與王敏奕拍攝淋冰桶場口,周志康大讚敏奕專業,指對方拍攝時全程零尷尬,為了拍攝效果完全豁出去。
現實係愛妻號+24孝爹哋
對於周志康飾演渣男柏賓,不少網民大讚入型人格,但其實現實生活中周志康是百分百廿四孝老公兼愛妻號,只要不用工作或是運動,志康都會全程陪伴家人。
其個人社交網便有不少家庭樂溫馨足迹,除其中一條周志康囡囡將爸爸個頭當「玩具」的短片搞晒搞笑,周志康與兩名女兒及太太的合照亦相當Sweet,足證一家四口感情甚佳。