銅鑼灣變「旅行請假區」電商6大金句寸爆香港老闆！打工仔嘆句句都係心聲

電商平台攻佔「姜濤灣」6大廣告金句幫打工作出氣網民：睇完想請假

內地旅遊平台Trip.com近日在銅鑼灣金百利中心展示超出位的廣告，6句文案金句「寸爆」香港老闆，這個廣告牌早前由姜濤生日應援廣告，改為Trip.com的宣傳語句。

從網民分享的相中可見，該街頭大型廣告位被設定成「旅行請假區」，並呼籲各大打工仔請假去旅行，同時對香港老闆及公司文化大抽水。

+4

+3

點擊圖片放大

6大廣告金句如下：

1.  終於喺成都搵到比上司更識變臉嘅人
2.  萬里長城長又長，原來我嘅工時唔算長（苦笑）
3.  我好想開會啊！去日本開花火大會啊！
4.  天氣轉涼，不宜工作，宜去泰國
5.  寒氣逼人、客又咄咄逼人，都係逼人去韓國啫！
6.  返工取悅唔到所有人，建議去台灣取悅自己

打工仔：終於有人幫我哋講出心底話

有關宣傳金句均指向各大旅遊熱門國家及城市，包括內地成都、北京、日本、泰國、韓國及台灣，連樓主都直言「真是說出了打工仔的心聲啊，好盞鬼」。每句金句都精準踩中打工仔痛點，例如暗串老闆陰晴不定，且大吐加班苦水，吸引大批打工仔關注，有網民笑稱「終於有人幫我哋講出心底話」，坦言好想去打卡！

這次職場「吐槽風」的廣告隨即備受討論，有內地網民大讚「香港廣告真係夠膽玩」、「笑暈了香港好幽默啊」、「支持廣東話文化」，亦有人不解「為什麼這些網路企業一出海，設計就那麼在線，在國內要麼平面設計醜，要麼UI體驗差」。看來這波操作不止賺足眼球，更講中不少打工仔心底話，完全呈現「當代年輕人打工精神狀態」，大家經過不妨留意一下。

資料及圖片來源：Duck Duck@小紅書