青衣山頂頻現凌晨外賣order 徒步上山僅獲呢個數！挑機式落單激嬲外賣員：畀幾多錢我都唔會做
網上瘋傳一張離奇外賣單，要外賣員在凌晨時分徒步上山，將外賣送到山頂？近日有多名外賣員在網上發文，表示接連在凌晨3時接到一宗訂單，有行山客要求將食物送到青衣山三支香南峰山頂，該位置須步行約一小時上山才能到達，但送餐費僅有$43.2？不少網民批評訂單不合理，直言「本身個人幾無良先會落呢張單？」、「個客0成本玩野」。
青衣山頂驚現凌晨外賣order？
日前（13日）Facebook群組「KeeTa外賣關注組」上，有外賣員表示看到一張超離奇的外賣單，他看後不禁怒斥一句「有X病...」，並截圖分享其訂單內容。從訂單見到，當時時間為凌晨3時51分，一名顧客經外賣平台落單叫中式串燒外賣，但送餐地點竟是青衣山「三支香（又稱 青衣山，海拔334米）」的山頂涼亭？
該名顧客在訂單備注中特別指明自己所在位置，提到自己正身穿白色上衣，準備與友人睇日出，現在身處青衣「三支香」南鋒的最高位置一個涼亭，並強調「只有步行路徑上山 There is only a footpath going up the hill here.」。
訂單送餐費為$43.2，若能在凌晨4時35分前送達，即可額外獲得$9小費，顧客更溫馨提醒道「嗰位有啲難上去」。樓主看後果斷「踢單」，直言「我懷疑精神病，放岀公海...慢慢等食風」，同時又慨嘆今時今日送外賣不容易，「外賣員係要要求十項全能...」。
外賣員怒批：你畀幾多錢我都唔會做
此外，原來當日不少外賣員也有看到這張超離奇外賣單，但大數人都是第一時間「踢單」。其中一名外賣員透露自己曾去過青衣「三支香」，直指該段行山徑路途崎嶇，而且要穿過漁民墳場才能到達涼亭位置，他直言：「畀幾多錢我都唔會做」。
▼外賣員怒批「畀幾多錢都唔做」▼
網民力撐外賣仔：幾無良先會落呢張單？
帖文一出，隨即引發網民熱烈討論，不少人明確表示支持外賣員，直指行山客的要求簡直是忽視了外賣員的人身安全，「今次我撐外賣仔」、「要本身個人幾無良先會落呢張單？夜媽媽要外賣員送餐上山俾你食？」、「送一度連自己都覺得危險既地方，咁樣好咩」。
客人零成本玩野？網友好奇：最後有冇人接單？
有網民則批評Keeta對客人過於保護，才會導致客人「0成本玩野」，最終風險與成本全落在餐廳和外賣員身上，「有人送又準時就有野食，遲到有補償，無人接取消又有錢退」、「呢張單害左幾多條友？」、「條油最醒，博一舊賠償」。
不少人好奇Keeta如何處理這張訂單，留言詢問「想知最後有冇人接」、「全部人都唔接張單會點處理？」、「想知最後佢食唔食到宵夜呢」，其中一位外賣員則透露「聽老闆講，取消了」。
▼網友點睇▼
挑機式落單？青衣山頂凌晨外賣單再現
事隔不到三日，有外賣員發現同一地點接連出現類似外賣單，指昨日（15日）凌晨再有青衣「三支香」山頂的外賣單出現，他質疑有人故意「挑機式落單」，將外賣平台當成惡作劇工具？
▼青衣山頂凌晨外賣單再現▼
樓主補充說，或許因為上次事件被網民狠批未有付小費，今次客人特地附上$25貼士，但樓主直言：「幾多錢都唔啦，你如果曾經行過嗰個山比二千你都唔會去！」，他形容上山送餐來回至少需時三小時，更涉及體能、膽量以及夜間潛在的野生生物和爬蟲風險。
網民質疑是惡作劇：9成9送上去係無人
事件再度引起網民怒火，不少人留言直斥客人行為荒謬至極，「買水咁X搞笑，佢預咗行山，自己唔識帶多幾支水？」，有人懷疑是KEETA的宣傳手法」，也有人認為整件事根本是一場有預謀的惡作劇，「條友真係夠晒無聊，迫你地扣接單率」、「9成9送上去原來係無人的，佢自己都唔會咁on9行上去」。
▼網友留言▼
港生活人氣本地熱話
U Lifestyle App全新功能《U GO》強勢登場🎉！
立即探索🔍本地熱門活動📍好去處🔔食買玩情報
↓【限時搶⚡】勁送Neoflam不鏽鋼食物保鮮盒↓
↓密封防漏及分隔式設計｜耐用又環保 ↓
