MIRROR成員AK新MV被網民狙擊抄襲瞓棺材 本尊發火留言反擊：亂咁噏！
男團MIRROR成員Jeremy（李駿傑）早前推出solo新歌《Tie Me Now》，卻被爆出疑似抄襲韓國男團Stray Kids。而他的隊友AK（江𤒹生）日前的新歌《心死了幾百次》MV其中一幕被網民聲稱有抄襲之嫌，涉及的畫面只是一個棺材？而AK今次就發火反擊該網民：亂咁噏！
AK新MV瞓棺材被追擊抄襲？
日前MIRROR成員AK推出新歌《心死了幾百次》，不過就有網民在threads發文指新歌MV其中一幕疑似抄襲韓國男團BTS成員的田柾國《Seven》瞓棺材的場面：「上次抄完Jungkook 《Standing next to you》，今次就抄《Seven》瞓棺材，點解可抄到咁明目張膽？仲要次次抄同一個人同一隻碟🙈」。而AK今次就親身反擊網民，直指網民亂噏：「你都明目張膽地亂咁噏😂咁我點解唔可以明目張膽地做自己喜歡嘅事情」
本尊親身留言反擊
而該網民就再追擊AK指：「你喺演唱會都唱過JK首歌，有睇過佢啲MV，你鬧我亂up冇問題，你鬧我定叫班fans嚟鬧我都唔介意，你同你隊crew過到自己良心就得🙏🏼問心，我對你個人冇意見，但做得藝人，做得創作，reference 咗幾多，條界線喺邊，如果真係有心做創作嘅必須要搞清楚。希望你明白我講緊乜。🙏🏼」暗指AK冇良心。不過AK仍然懶理指控：「你嘅意見我已經接收到👍🏻呢度有一拃沙 送俾你☺️」
網民質疑：人死咗唔瞓棺材瞓邊？
不過大部分網民都指瞓棺材的畫面其實很多影視作品都有，認為樓主不應該單憑一個畫面就指控抄襲：「其實真係唔洗咁無腦返，睇見都頭痛，起碼抄作品5成先出嚟鬧啦好嘛？」、「做人公平一點，黃明志也睡棺材了，你不要罵一下嗎？」、「人死咗唔瞓棺材瞓邊？」、「咪住先，我懷疑係抄＜我和彊屍有個約會＞囉」，網上風評暫時一面倒力撐AK。
來源：threads
港生活人氣娛樂新聞
全新功能《U GO》強勢登場🎉！
立即探索🔍本地熱門活動📍好去處🔔食買玩情報
↓【招募試食員🐱】送Harlow Blend全新貓糧系列！↓
