港人家中驚現毒蛇過山烏！屬受保護瀕危物種 最長可達6米！蛇王：比佢咬到死梗！

港人家中遇毒蛇過山烏

近日，1名港男在Threads上發文指，自己原本已打算睡覺休息，怎料女朋友突然「喊晒咁跑出黎嗌救命」，原來是電腦枱上出現了一條蛇。樓主馬上報警，警察到達後便聯絡蛇王前來處理，等待期間樓主焦慮又擔心，直言「我keep住望住條蛇，好驚望漏一下佢唔見咗。」

約等待了45分鐘後蛇王抵達，向樓主解釋蛇的品種為「過山烏（眼鏡王蛇）」，指「一年都捉唔到三條，超毒蛇比佢咬到即死緊，係香港好罕有。」了解到那條蛇竟是如此恐怖的品種後，樓主不解指「點解會係我屋企出現」，最後「蛇王話會放返去郊野公園，唔會殺佢。」

眼鏡王蛇為全球最大毒蛇品種

根據香港生物多樣性資訊站，眼鏡王蛇又稱為「過山烏、過山峰」，屬眼鏡蛇科，是全球最大毒蛇品種，最長可達6米，平均長約3-4米。成蛇全身烏黑，背上有淡白橫間，腹部米黃色，而幼蛇為亮黑色，有幼黃間，同時亦如成蛇般有劇毒，足以致命。廣泛分布於香港，並列入受保護瀕危動植物物種。

+3

+2

點擊圖片放大

漁農自然護理署咁教路...

漁農自然護理署曾在官方社交平台上發文，指天氣回暖後，「好多蛇蛇會瞓醒，出嚟活動。」當市民遇到蛇時「只要同佢哋保持距離，唔好嘗試刺激佢哋，蛇蛇就唔會主動攻擊人」。

點擊圖片放大

網民︰好彩人無事

不少網民對事件感到驚恐，指「真係好恐怖，瞓之前記得check多次間房」、「以後都要小心門戶。俾我可能嚇到每晚臨瞓前要巡屋」、「佢仲有少少扮電線咁嘅feel，唔細心睇可能真係唔會發現」、「好彩你女朋友見到」、「一年嘅運氣都用喺條過山烏度」、「條蛇個形狀真係好毒」、「等緊蛇王嚟又要望住條蛇有咩舉動，咪好煎熬」、「諗起報完警仲要等個蛇王黎都幾崩潰」和「好彩人無事」。

+7

+6

點擊圖片放大

▼原帖文▼

來源︰Threads@jeffreylee_326, HKBIH, Faceboook@漁農自然護理署