打工仔失業近1年轉新工！減薪4位數字因三點勁感恩！網民羡慕：呢一樣已經無敵！
近日，1名失業近1年的打工仔在社交平台上發文表示終於找到新工作，雖然人工較上一份工作少，但因3點仍令樓主感到非常感恩表示「出糧後捐少少錢做善事。」。帖文引來大批網民討論，有同路人分享自身相似經歷，就算人工和大假較少仍照做，即睇下文了解事件詳情！
打工仔失業近1年轉新工！
近日，1名港人在Threads上發文，分享自己轉工的心路歷程「講個小秘密：我返咗新工快一個星期喇。人工比要求少咗1K（$1000）。但工作量少，準時收工，返5 Days（天），彈性上班時間」。
更透露工作時間可以用耳機聽歌或收音機，而且「同事各自不八婆亦不冷漠」，不過缺點是「貨倉裏的寫字房大塵，洗手間和上落客𨋢唔算乾淨。」，但樓主已非常感恩，並打算「出糧後捐少少錢做善事。」。
樓主留言補充指「我都失業咗近1年，有時一份不適合自己的工請辭，係保命的一種求生本領」、「人生不一定是加法，減去壓力心也寬」、「仲有以前失業聽開早霸王，而家Keep（保持）住工作有得聽，真係好珍惜呢件事」和「發覺返工地點近屋企嘅人生，比人多咗私人時間，從容不迫，人都會寬容啲」。
同路人分享相似經歷！
有同路人分享自己的經歷，指自己也轉了新工，「人工比之前少了1K，大假由20天變為15天，觀塘維港海景View（景觀）變為現時觀塘舊式工業大廈。5天工作變為周6半天長短周。」更「由面對寫字樓過百位同事變為現時未夠20個。」。
不過「工作輕鬆做半天，完成應做的工作可以上網，篤電話，放工絕對準時。」，而且「以前是洪水猛獸的各部門互鬥，變為現時各人做妥份內工作交到差就可，同事關係比之前簡單。」，現時已習慣新工作，指「人工少了也沒所謂了」
網民羡慕：彈性上班時間已經無敵
帖文引來大批網民討論，有人羡慕指「收工準時，唔多嘢做，同事又OK，唔好講呢個時世，就算平時都好好，加油啊」、「每個禮拜放兩日假，少1000都值啦」、「同事不八婆不冷漠好加分」、「彈性上班時間已經無敵」、「番工最怕壓力大，少過上一份就值得恭喜」和「之前喺地獄做耐咗，一轉工就感覺到咗人間仙境」。
也有網民建議樓主「如果大塵的話，在你工作的位置上加一部空氣淨化器，對你健康會好一點，又或是多戴口罩」、「或者自己戴口罩都應該可以」和「買個小型空氣清新機保障健康」。
▼原帖文▼
來源︰Threads@vvgoot
港生活人氣本地熱話
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
↓【招募試食員🐱】送Harlow Blend全新貓糧系列！↓
