八折出糧返四日工 打工仔糾結轉唔轉工？網友反應兩極：筍工 VS 寧願轉工
香港經濟狀況持續低迷，各行各業裁員消息不斷傳出，甚至有公司提出「減薪加假」新安排？近日有打工仔在討論區發帖，指公司有意推行「八折出糧返四日工」的新安排，並表示自己正考慮是否趁機轉工。帖文一出，隨即在網上掀起熱議，網民反應兩極，有人羨慕四日工作模式，大讚是「筍工」；亦有人狠批此舉等同變相減薪...
八折出糧返四日工？港人糾結：定係轉工算
該打工仔於「香港討論區」上發帖，指公司打算推行四日工作制，但同時將薪金調低至八成，令他不禁猶豫自己應否轉工。樓主坦言，「轉工都會最少加10%，所以我都偏向係轉工」，又指公司內部士氣低落，「八到好多人都係騎牛搵馬」，令他不禁擔憂其工作前景。
網民羨慕大讚是「筍工」
不少網民對四日工制表示支持，認為彈性工時可提升生活質素，「咁筍？做咩工，4日好丫，可以玩三日，搵好耐了」、「有乜所謂，多左果日咪搵兼職，鐘意就返唔鐘意就唔返，彈性d」、「休息多啲，或者搵兼職，唔好咩」，亦有網友開玩笑道：「最好二折出糧返一日工！」、「揾多份七折糧三日工」。
▼網民點睇▼
網民力勸轉工穩陣啲
不過，亦有不少網民持保留態度，指出八折人工對普羅大眾打擊甚大，「出得一萬人工，交得租來都要捱麵包，仲打個八折都生存唔到啦」、「八折對很多人而言唔係少數目」。更有人提醒，一旦接受今次安排，日後公司或變本加厲，「今日八折，聽日可能六折」，根本毫無保障。
▼網民點睇▼
來源：香港討論區
港生活人氣本地熱話
↓【限時搶⚡】勁賞⻁標SENSORIAL THERAPY精油乳液(薄荷)↓
↓舒爽呼吸，清新醒神｜舒緩壓力，提升專注力↓
全新功能《U GO》強勢登場🎉！
立即探索🔍本地熱門活動📍好去處🔔食玩買情報
