月入4萬港男欲買全棟村屋！預算500萬 要求有天台+花園+車位？網民分析呢幾區有可能！
一名月入4萬港男日前在社交平台發文，指自己希望購入一棟村屋或獨立屋。預算為500萬，不介意位置偏遠，但要求具備天台、花園和泊車位，他詢問網民「請問我呢個要求喺香港地會唔會好過分？」帖文引來大批網民討論，有人指這幾區的村屋可能可以，也有人建議樓主租住村屋較好，即睇下文了解事件詳情！
月入4萬港男欲買全棟村屋
近日，一名港男在連登討論區以「有冇師兄住全棟村屋/獨立屋？」為題發文，指自己一直「好想住晒成棟村屋」，希望村屋能有天台、花園和泊車位，預算為500萬，直言「住遠少少無所謂」。
樓主稱自己目前月入4萬多，不過「聽講村屋最多做到85%按揭」，同時亦需要檢查路權和查核是否為舊屋地或租堂地，詢問網民「請問我呢個要求喺香港地會唔會好過分？ 」
網民分析呢幾區有可能！
有網民指「如果有埋花園，五百（萬）淨係地下都未必得，可能要住到元朗勁入。」，分享自己「我買嗰時係6成（按揭）應該無85% 咁高，路權係要check, 不過你check 極都好多古惑野」。也有人表示「白沙/大棠果邊真係有」、「500（萬）就考慮錦田啦」、「元朗南至洪水橋一帶都幾多500（萬）一棟」、「你呢個budget西貢禁區入面可能得」。
部分網民建議樓主租村屋，「一層萬零蚊，三層25000-3xxxx + , $40000月入租得起」、「村屋雙租好過啦」、「租好過啦，而家香港買樓都係蝕」、「唔好買啦，租啦，村屋樓價無咩點跌」、「租住先，村屋唔係個個都住得慣」和「唔建議你買，情願租一年睇睇個市點先」。
另外，也有不少網民潑樓主冷水，坦言「呢個價應該只買到唔足尺冇車位冇花園」、「500（萬）？榕樹澳都搞唔掂」、「買一棟起碼1300萬」、「村屋啲價算係幾硬，正常都450-550（萬）一層700尺」、「你500（萬）首期最多借到1200-1300（萬），入則花園連車位、每層700尺果啲應該搞唔掂啦」。
銀行如何審批村屋按揭？
翻查資料，申請村屋按揭和一般物業不同，銀行審批村屋按揭一般會綜合更多的考量，而且審批過程亦會較私樓複雜，一般而言，樓價1,000萬元以内的自用村屋最高可承造85%按揭，但每間銀行審批村屋按揭的取態及準則都不同，大家可向多家銀行申請按揭以了解最高的估價及按揭優惠。
▼原帖文▼
港生活人氣本地熱話
【免費領取】HK$1,000 美妝購物券💰
↓無最低消費門檻，直接當錢使😍😍↓
全新功能《U GO》強勢登場🎉！
立即探索🔍本地熱門活動📍好去處🔔食玩買情報
