彩虹邨「敲腳婆婆」無差別攻擊小朋友！街坊苦不堪言揭4大惡行！婆婆女兒咁樣講...
《東張西望》日前報導彩虹邨出現一名「敲腳婆婆」，她行走時會使用長遮無差別敲打路過的學生和小朋友。即使小朋友身邊有家長陪同，婆婆仍不畏懼敲打小朋友的小腿或腳踝。除敲腳外，街坊們再爆料婆婆的3大惡行，令鄰居生活包受滋擾。當節目組訪問婆婆時，對方竟指「我冇咁做㗎！」，女兒更這樣回應，即睇下文了解事件詳情！
彩虹邨現「敲腳婆婆」 無差別攻擊小朋友！
《東張西望》近日報導彩虹邨一名「敲腳婆婆」，節目組拍攝到她在屋邨內漫步時，會使用長遮無差別敲打路過的學生和小朋友，即使小朋友身邊有家長陪同，婆婆仍無所畏懼，而且位置多數是小朋友的小腿或腳踝。
婆婆每天都會到幼稚園外的公園尋找目標，有家長看見婆婆出現，立即將小朋友們拉開，直言「咁樣好容易絆到小朋友，任何人行緊無啦啦咁樣一絆，就會跌親。」有家長已向校方反映問題，「佢(校長)話你最好影埋張相畀我睇。」後來婆婆消失了一段時間，至今年3月才再出現，家長亦將婆婆的照片傳給校長，不過沒有下文。
《東張西望》節目組亦訪問幼稚園校長，其表示有接獲家長的查詢並有跟進事件「其實我哋有行動過，我哋出過去睇過，喺放學嘅時候4點幾有出過去，但真係唔見呢個婆婆。」
街坊鄰居大爆婆婆3大惡行
有街坊向節目組爆料，指婆婆在邨內已經出了名，大爆其除了敲腳外，更會偷鞋「偷晒我啲鞋，周圍丟我啲鞋，又隊爛晒大堂啲通告。」，坦言即使報警也沒有用，因為婆婆女兒會出聲保護她指「佢（婆婆）傻嘅！」
「敲腳婆婆」同層的鄰居同樣包受滋擾，指她經常三更半夜踼自己門外的鐵閘，偷吃自己拜神用的橙，更曾試過「嗰個禮拜起碼唔見咗5對鞋！」，而且更會關大廈的水喉「無水囉屋企，我咪要走出嚟開囉。」
敲腳婆婆︰我冇咁做㗎！
《東張西望》主持俞可程訪問婆婆了解為何要用傘襲擊小朋友，婆婆隨即表示：「冇，冇，冇！我冇咁做㗎，冇嗰啲嘢嘅。」便回到住處。一會後婆婆再下樓，當主持想繼續訪問婆婆時，婆婆的女兒馬上衢出來，態度兇惡指「做咩事啊？你咩關心婆婆？你邊度㗎？」，在主持表明身份後，女兒態度立即有轉變。
女兒表示婆婆因走路時難以平穩，所以需要用傘來輔助「佢如果見到周圍有小朋友衝出嚟撞佢或者踩滑板呢，佢就會拎把遮拍拍佢哋。」但在節目組將婆婆敲小朋友腳的片段後，她指「總之呢佢係認知障礙，佢自己唔知道自己做緊啲咩」，表示不會再回應便離開。
大律師回應
陸偉雄大律師指出，婆婆的行為雖然犯法，但考慮到婆婆年事已高，加上患有認知障礙，而且受害者沒有嚴重受傷，因此警方可能不會起訴婆婆，選擇向法庭申請簽保守行為的程序來處理。
心理學家咁分析...
臨床心理學家胡澔林博士指，認知障礙患者出現一些攻擊性行為是因對身邊的事物出現誤解，患者可能認為身邊的人會傷害自己，並透過行動來表示自己的情緒，認為婆婆的行為可能在表達自己很孤單，希望和別人產生連結。
來源︰東張西望
港生活人氣本地熱話
↓U Lifestyle夏日狂賞祭☀️↓
↓6月超值禮遇天天有，驚喜不斷送↓
↓勁賞KAGOME升級版「野菜生活100」體驗套裝↓
↓甘筍蔬果汁、提子蔬果汁↓
