老師大鬧食大排檔要一萬蚊找數　店主反駁條數清清楚楚

呢幾日有位做老師嘅網民出咗個Post，投訴位於火炭的德記大排檔經營手法有問題，事源佢同40幾個學生去食晚飯，最後要成$9,600埋單，每圍要成$2,500，佢覺得收費唔合理，事件引嚟好多網民討論，而家就同你睇下究竟誰對誰錯！

咁究竟佢哋叫咗咩咁貴？

據報導，店主稱佢哋叫咗：

1.沙拉骨(加大)$68例x3x4碟
2.魚香茄子煲(加大)$68例x3x4煲
3.粟米班塊(加大)$250x4
4.牛腩煲(加大)$250x4
5.汽水$10/罐 x 35
6.大白鱔$368/條 x4
7.飯$10/碗 x 154
8. 西檸雞(加大)（價錢不詳）x 4
9.金銀蛋莧菜(加大)（價錢不詳）x 4
10.豉油王炒麵 （價錢不詳）x 4

嗱條數未計晒都成$7000，所以要最後要成$10000都真係唔出奇， 店主仲話已經減咗$400先收$9600，所以成件事嘅重點唔係一碟嘢貴唔貴，而係阿Sir叫之前知唔知價？店主有冇講清楚？

阿Sir多次表示佢無預過加大要加咁多錢！不過有傳媒訪問咗店主，話事前講清楚價錢，係對方自願，而且仲提議過佢哋叫較抵食嘅套餐同盆飯，不過對方拒絕，畀錢時都冇出聲，阿Sir而家咁講令佢哋覺得好委屈。

咁網民又點睇呢？

小編睇返食評網，都有食客話試過畀店主未經佢哋同意加大份量，然後收一個高於例牌嘅價錢，總之，呢單嘢都係各有各講，你哋又點睇呢？

資料來源：MK Fung