公屋戶慘遭惡鄰居連環騷擾！噴紅油／踢鐵閘／襲擊！房署職員都中招 被大鬧兼OO！

居民慘被惡鄰居連環騷擾

近日，李先生向《東張西望》投訴，指自己飽受惡鄰居滋擾。事源是去年一名住同棟大廈的陳太和惡鄰居發生口角，於是致電李先生求助，李先生立即上樓了解，「當時佢哋一家人預備出去食飯，就打畀我話個女士就出嚟鬧佢哋，鬧到佢細路仔喊。」

+4

+3

點擊圖片放大

李先生到場後，向惡鄰居了解事件，「你想點啊？之後佢話你邊個啊？類似用啲粗言穢語，之後就開始得罪咗佢。」事後李先生就開始被這位惡鄰居騷擾，不但多次被噴紅油，上月和朋友外出吃飯時遇到惡鄰居，對方不僅破口大罵，更動武一腳踢向李先生。李先生直言「差啲踢到我下體」，最後要報警處理。

+6

+5

點擊圖片放大

另一位苦主陳太，指惡鄰居曾走到她單位門外自言自語「突然間踢我哋鐵閘啦，搞到我哋小朋友都嚇親。」閉路電視片段中顯示惡鄰居的確在陳太門外自言自語更用腳踢鐵閘，踢完便離去。陳太指自己的小朋友被這位惡鄰居嚇到不敢出門，每天上學都提心吊膽。

+3

+2

點擊圖片放大

惡鄰居行動升級 一度被警方拘捕

這位惡鄰居其後行動升級，不但用油漆噴在鄰居的大門，更將惡行上傳到社交平台示威，「我已經登咗TVB話畀人聽我係邊個，係啊，係我噴紅油㗎，差人都知㗎。咁你哋唔做嘢嘛，咁我咪當多謝你囉，我嗰時跟我老豆嗰陣真係咁做嘢㗎，幾歲人仔。我都好多謝你啊，懷緬一番我嗰時嘅回憶啊！」。

+5

+4

點擊圖片放大

雖然惡鄰居曾因噴紅油而被警方拘捕，但是她仍沒有一點悔意，之後更在社交平台揚言「呢度隨時會火燭」，令鄰居們人心惶惶，紛紛安裝閉路電視自保。李先生直言「而家我出門口都要睇下佢有無落嚟，如果佢係度就盡量避開佢。」。

+4

+3

點擊圖片放大

除了鄰居外，連房署職員都成苦主，惡鄰居上月在網上預告會破壞政府財產，翌日房署的閉路電視就被砸壞，警方以涉嫌破壞公物拘捕惡鄰居。獲釋後惡鄰居稱房署職員多次對她進行家訪，令她非常不滿，因而大鬧房署辦事處，爆粗怒轟房署職員。

+5

+4

點擊圖片放大

惡鄰居反控自己受鄰居騷擾？

《東張西望》主持廖倬竩訪問惡鄰居為何要騷擾他人，惡鄰居態度惡劣反問「係啊，點啊？我嚟緊咪上庭囉！點樣啊？（點解要騷擾佢哋？）佢係咁上嚟問候我，我又唔識佢。（點解要噴佢哋紅油？）佢唔淋油，就係要淋油先唔上嚟，就係咁簡單囉！（點解會打交？）佢打我啊，唔係我打佢。（但係你有踢佢喎？）佢打我唔通我唔踢佢啊？」。

+4

+3

點擊圖片放大

當被問到是誰先動手時，惡鄰居激動表示「點解佢要走上嚟先啊？我又唔識佢，佢㩒我門鐘，我一開門佢就係咁鬧我，鬧到成鐘啊係門口。」，怒斥「房屋署話要收樓」，當主持人詢問可否出來聊一下，她馬上大鬧「介意啊，好介意啊！食緊飯啊小姐，我啱啱廁所出嚟咋！」更用力把門關上。

+6

+5

點擊圖片放大

房署咁回應...

《東張西望》去信向房署查詢，獲回覆指如公屋住戶受到鄰里滋擾，可向屋邨辦事處反映。同時就鏡頭被毀壞一事，辦事處已即時報警處理，警方亦立案起訴該名人士，並按毀壞公物向該戶扣15分，澄清房署沒有進行家訪，亦沒有發出遷出通知書。

根據屋邨管理扣分制，如公屋/中轉屋住戶在兩年內被扣除的分數累計達16分，其租約/暫准證將被終止。

點擊圖片放大

來源︰東張西望