港人為居屋優先揀樓生仔？揀剩屯門東涌「偏遠盤」陷困境斥騙局

港男為買樓生仔反陷困境 狠批居屋優先選樓計劃

該名網民透過連登討論區發文，透露2年前為了增加優先揀樓的機會，特意生育小朋友以符合「家有初生優先選樓計劃」資格，並將目標鎖定近市區及面積較大的單位。然而，在居屋開售第3日便收到房屋署通知「揀樓」，才發現市區配額早已耗盡，僅餘東涌、屯門等「偏遠盤」選項，令他大感不滿：「得返啲東涌、屯門、安達臣嘅樓！X你個街，話好的市區靚樓呢？話好的優先揀樓呢？全部都同我講冇我份！為咗層樓我連仔都生埋，仲要我揀屯門？你係咪黐線呀，政府？」

他又怒斥政策失當：「我連仔都生埋……收到抽籤號碼嗰陣，條數計過，覺得大單位定中單位都好有機！點知真是一個天大嘅笑話，政府同房署真係玩晒我哋呢班苦主！」據房屋署資料，2024年攪珠的「居屋2024」進入銷售程序，發售單位包括觀塘安柏苑、東涌裕興苑、啟德啟盈苑、屯門兆湖苑和油塘高曦苑，以市價7折出售，售價由143萬元至467萬元，目前正在「揀樓」發售。

▼「家有初生」優先選樓計劃詳情▼

點擊圖片放大

申請者批計劃如「騙局」列4大居屋揀樓問題 

樓主進一步列出4大問題，質疑「優先選樓計劃」形同「大騙局」：

1. 「家有初生」組別無緣揀靚盤：他指出，優質單位早已被高分申請者及白表買家選走，「家有初生」組別根本無緣市區靚盤，「點會留低靚位畀我哋呢啲『家有初生』嘅苦主」？又批評居屋供應多數屬偏遠地區，市區選項較少，認為情況與官方宣傳有落差：「佢哋成日話有幾多幾多單位，實際上好多係偏遠盤，市區盤少得可憐。」
2. 揀樓流程混亂：他亦不滿揀樓流程混亂，形容「揀樓流程亂過亂葬崗」，批評房屋署未提前通知配額用盡，導致申請者白跑一趟，「係咪專登想我哋空歡喜一場」？
3. 偏遠單位交通成本高昂：他認為，如屯門、東涌等偏遠單位的交通成本高昂，甚至可能超越租金支出，變相加重住戶負擔：「交通費貴過租樓，返工返到X街，呢啲係咪真心幫人？」
4. 上樓等待時間漫長：最後他提到，上樓等待時間漫長，期間需承受租金及樓價上升壓力，認為政策未能真正協助市民安居，「期間地價、樓價又升，仲要畀貴租住劏房，等到你懷疑人生！」

網民批樓主「不知足」驚訝為層樓生仔

貼文引發熱議，但多數網民並未同情事主遭遇，反而批評他「有得揀仲嫌三嫌四」、「用社會資源喺到嫌三嫌四，送埋半山畀你住好冇？」認為能以低價購入居屋已屬幸運，不應苛求地段。亦有網民質疑其生育動機，反問：「生仔為抽居屋？黐X線，邊有人咁onX」、「個細路咁樣出世真係好可悲」、「為咗層樓生仔？政府有話包市區大單位？」，認為孩子不應成為換取房屋的籌碼。

▼原帖文▼

資料及圖片來源：連登討論區