私家診所出價15K請西醫惹熱議！週休2日 滿足4大條件先做得？！網友：揸巴士都高過醫生

澳門私家診所出價15K請西醫

近日，有網民於Facebook群組「澳門高登起底組」上轉發一張截圖，內容是有澳門私家診所招聘西醫，主要職責為日常診療工作、提供全科門診服務、開處方和簽署各類體檢報告。申請人需持有大學學士或以上學歷、澳門衛生局認可的有效執業西醫牌照，同時有1年或以上獨立診症經驗，操流利粵語、英語、國語。至於待遇福利方面，此職位週休2天，但月薪只有$15,000。

網民嘩然：內地醫院都唔敢出呢嗰價

招聘條件引起網民熱議，有人表示驚訝「內地醫院都唔敢出呢嗰價」、「想知乜嘢診所開呢個價」，甚至笑稱澳門是進入「大通縮」時期。不少人認為，診所開出如此待遇，實為難吸引本地醫生，「有咁的能力、應該唔止萬5？」、「收入比一個普通公務員也不如」、「揸巴士高人工過醫生」，並懷疑診所只是「掛牌請人」，實際上或會聘請外地醫護填補空缺。

▼網友留言▼

+8

+7

點擊圖片放大

亦有網民從現實角度分析，指私家診所開價一向有限，「除咗入山頂人工高，鏡湖好少少，診所都係呢啲價啦，一般都係新仔」、「睇下傷風感冒係咁上下，又唔係專科或者多經驗嗰班」、「差唔多啦，診所係呢啲價」。更有網民感慨，表示未來人工智能或會取代部分基礎醫療，「其實依家AI 已經處理到一般醫學問題，遲啲真係唔使咁多醫生」。

港人：香港醫生人工高到痴線

相關帖文亦被轉發至連登討論區，引來大批港人討論。有網民分析，指事件反映澳門醫療制度的結構性問題，認為診所待遇偏低實屬常見，「睇傷風之嘛，你估開刀嗰啲咩？」、「好正常，而家乜嘢都ChatGPT，阿貓阿狗都可以行醫」。有人則把將澳門與香港作對比，指「香港醫生人工高到痴線，全世界第1，應該要減人工＋加大醫學院名額」。

【原帖文】

來源：FB@澳門高登起底組、連登討論區