數學題問幾多隻狗5+4=9老師話錯？家長唔識答：小學生都不如

數學題問幾多隻狗「5+4=9」老師話錯？

據題目圖片顯示，左邊有3隻狗、中間有一間小屋、右邊有2隻狗，下方分別寫着「5隻」和「4隻」，問學生「一共有幾隻狗？」有學生直接計「5+4=9」，結果被老師打叉，更透露班上大半同學都答錯，令家長們崩潰直呼：而家小一功課我都搞唔掂！

點擊圖片放大

究竟為何「5+4=9」係錯？有網民拆解，題目關鍵在於圖片邏輯，並非單純數字相加。左邊3隻狗加小屋內隱藏的狗應等於5隻，即小屋內有2隻狗；而右邊2隻狗加小屋內的狗則等於4隻，同樣得出小屋內有2隻狗。因此，正確答案應是「左邊3隻+小屋2隻+右邊2隻」，總共7隻狗。不過，不少網民質疑題目表達不清，反問：「點知屋入面嘅狗可以兩邊共用？」

家長唔識答：小學生都不如

這道題目引發兩極討論，有人認為是訓練觀察力和邏輯思維，但更多家長和網民批評題目設計有問題，直指「這個題目我都不知道啥意思？ 題目敘述不清晰，沒必要做」、「題目講都講唔清，點解要咁玩學生？」甚至有人質疑：「呢啲題目到底有咩意義？」看來，如今的小學數學題不僅考驗孩子的計算能力，更考驗家長的理解力和耐性，難怪有家長自嘲：「連小學生都不如」！

資料及圖片來源：小紅書@豌豆思維