打工仔為公司諗計慳人手！最後連同其他同事齊被炒魷魚！網民斥︰忘恩負義...
日前，一名香港打工仔在社交平台上發文，指自己在一間小公司任職一名普通職員，因公司系統老舊，令工作人手和時長大增，於是該打工仔便為公司「諗計慳人手」。可是最終自己竟落得被解僱的下場，令他非常無奈。事件引來大批網民討論，有人教樓主這樣做來「報復」，亦有人怒斥樓主「班同事就咁俾你冇咗份工」，即睇下文了解事件詳情！
港男為公司諗計慳人手
近日，1名港男在連登討論區上以「幫公司諗方法慳人手之後自己都俾人炒埋」為題發文，指自己「返咗份新工一排」，是一名普通職員，因公司規模較小且老舊，因此很多處理方法都已過時，且工作起來非常「無系統」。
樓主續指，「最簡單日日用EXCEL，但完全無人識VBA（Visual Basic for Applications）」，令工作人手和時長大增，於是在樓主工作一段時間後「整理咗公司一堆嘢」，令「原本三個人做既嘢一個人都做得哂仲做快咗」。
終被炒收場？
在樓主為公司「諗方法慳人手」後，竟然在數日前收到公司通知指「因為唔夠資源」，解僱了樓主和兩名同事，原有4個人的團隊，只留下一人，令樓主無奈表示「結果俾人炒」。
網民建議樓主咁「報復」...
帖文引來大批網民討論，有人表示自己「唔會save（保存）個source file（源文件）喺公司server（伺服器）」，一直都是「交個結果就夠，就連用formula（函數公式）都淨係留啲簡單嘅sum、avg算，If xlookup、left呢啲全部剷走paste value」，對此，網民建議樓主最後一天仿傚其做法當「報復」。
網民斥樓主「唔識做」
另有不少網民斥樓主「唔識做」，指「班同事就咁俾你冇咗份工」、「返工就返工搞乜X自動化」、「剩底個個先慘，有咩都搵佢做」、「根本個個就知，得你懶醒要執」、「你唔止害咗自己，仲害埋另外三個同事，真累事」和「自動化嘅嘢不嬲係自私用 點會share（分享）」。
▼原帖文▼
來源︰lihkg
港生活人氣本地熱話
↓U Lifestyle夏日狂賞祭☀️↓
↓6月超值禮遇天天有，驚喜不斷送↓
【社群請睇騷】送太陽馬戲團KOOZA門票🤹♂️！
