大叔的愛！專程擺底$200畀貓店長買罐罐「摸頭殺」超暖心
深水埗鴨寮街近日上演一幕「人貓交易」！Threads上瘋傳一段閉路電視畫面，捕捉到一位大叔暖心瞬間，蹲在店門前將兩張$100紙幣擺在貓店長的旁邊，並以「摸頭殺」輕撫小貓的頭部。只見貓主子向對方「喵」了一聲，便低頭審視自己的「罐罐錢」，大叔則瀟灑離去，直至後來店員才發現「天降紅衫魚」，讓網民直呼大叔十分有愛。
大叔的愛擺底$200予貓店長「買罐罐」網民讚1舉動超暖心
樓主透露當日（21日）早上，該大叔原本想用$500紙鈔請店家兌換零錢但遭婉拒，未料對方他竟特地跑去兌換紙幣後折返，專程為貓店長送上「零用錢」，「冇諗到佢轉頭唱完散紙返嚟放低兩嚿水俾隻貓……」樓主分享了貓店長的照片，可見貓貓身旁堆滿零食山，相信是該兩張「紅衫魚」換得的獎勵。
網民力讚：佢真心錫貓貓
大叔的貼心舉動，隨即引來網友激讚是「長輩式寵愛」，有人留言指：「個叔叔擺低錢後再輕力摸兩下頭仔先走，佢真心錫貓貓」、「鍾意到會特登唱錢，仲行返轉頭俾錢貓貓，阿叔，欣賞你」，亦有人笑稱「好Old school（老派），真係好似細個啲親戚錫我哋就係醒幾嚿水我哋買嘢食」。
店主：多謝阿叔咁大方請我哋隻貓食嘢
不過，都有少數網民對於店家拒絕換鈔的決定頗感不滿，店主解釋：「阿叔喺度玩貓，而我笑笑口任由佢玩，佢問我隻貓係咪我哋嘅，我點頭應咗，然後佢用佢一直揸住嘅$500直接同我講，你同我唱散紙；咁我同佢三唔識七，佢又唔係用問嘅方式，咁我點解要幫佢唱啊，係唔清楚對方意圖嘅時候邊個會幫陌生人啊，如果錢有問題，邊個負責啊。」雖然未有為對方兌換散紙，但店主最後亦有感謝大叔，「我哋鋪頭都係好多謝阿叔咁大方請我哋隻貓食嘢，除咗阿叔，希望所有人都可以過得開開心心」。
資料及圖片來源：Threads@wantsunsing、Threads@yeung89255
港生活人氣本地熱話
↓勁賞李錦記蠔皇牛肉撈麵↓
↓招牌蠔油醬汁 低脂非油炸麵↓
↓【限時搶⚡】賞您Cetaphil舒特膚三重溫和煥膚酸系列↓
↓溫和去除死皮和老化角質｜改善膚質↓
