熱愛優質生活
首頁   \   港熱話   \   一萬蚊大排檔事件有新發展  科大划艇隊發聲明回應

一萬蚊大排檔事件有新發展  科大划艇隊發聲明回應

科大劃艇隊教練團發聲明(圖:FB@科大划艇 HKUST Rowing CLUB)
2015.07.14

早前有老師帶咗40幾個學生去咗火炭德記大排檔食飯,埋單時先發現要成萬蚊找數,佢哋 FB 投訴收費唔合理,但店主接受傳媒訪問時就反駁條數好清楚 (詳看:《老師大鬧食大排檔要一萬蚊找數 店主反駁條數清清楚楚》),之後唔少網民都撐大排檔,話係班學生唔睇價錢,亦有人話呢間大排檔有前科,尋晚事情又有新發展,原來嗰班師生係來自科大划艇隊,佢哋教練團發聲明回應事件。

聲明全文:

科大劃艇隊教練團發聲明(圖:FB@科大划艇 HKUST Rowing CLUB)

 

當中主要有兩個訊息:

1. 教練稱係男伙記係咁叫佢哋加大小菜份量佢哋先同意,佢哋無問價錢,伙記亦無交待。

2. 教練稱佢哋埋單時候已經有質疑收費,並非事後抹黑。

划艇隊同大排檔都就事件回應咗,又睇下班網民點睇:

 

撐大排檔 :

網民意見(圖:FB@科大划艇 HKUST Rowing CLUB)撐大排檔嘅主要話班大學生無睇價錢,上網唱衰人損害人哋聲譽,無錢唔好食,佢哋係垃圾,無讀書,廢青,社會敗類......

 

撐學生:

網民意見(圖:FB@科大划艇 HKUST Rowing CLUB)撐學生嘅主要話之前都有人被亂收費,大排檔亂加大,老師無問清楚唔代表大排檔經營手法無問題,唔好咩都懶大學生度!

內容評分
評語