港人購入啟德連租約單位爆糾紛！退休公務員租霸拒開門！講4個字拒溝通兼欠租2個月！專家教路咁樣做...
啟德一個樓齡不足五年的屋苑發生租務糾紛，新業主Apple（化名）於3月購入連租約單位後，竟遭租客拒絕承認其業主身份，更以「業主失聯」為由拖欠租金，甚至張貼告示反擊。Apple無計可施上門拍門尋人亦無果，苦訴「如果佢走我可以唔扣佢按金，我底線已經係無底線。」Apple現已入稟土地審裁處要求收樓，但擔心受累租霸反對書，隨時要拖拉半年至11月，「我都要還錢，又要畀管理費，自己嗰邊又交緊租......」
購入連租約單位 租客拒認新業主身分
化名Apple的新業主於今年3月中購入該啟德屋苑一個400多呎的單位，當時已知單位連租約，月租$18,500，一年生約一年死約，死約原定今年8月到期，Apple計劃屆時收回單位自住。
不過由於租客拒絕開門，所以Apple由始至終未睇過樓。據悉租客為一名60多歲的退休公務員，地產代理指其以往交租紀錄良好。惟自成交後，Apple丈夫只與租客在雙方地產代理安排下會面，成功收取4月租金，其後租客就已「業主失聯」為由，2個月未交租。
即使Apple手持土地註冊處文件，租客仍拒絕承認Apple的業主身份，聲稱未獲通知單位轉手，並連續兩個月未繳租金。Apple無奈表示：「佢話業主失聯，交唔到租，再打畀律師問我哋嘅身份。無意識去交租，由頭到尾都否認我哋係業主，我都唔知可以做咩。」
會面不歡而散 租客貼告示拒溝通
4月時，Apple的丈夫曾在雙方地產代理安排下與租客會面，通知對方單位已易手。但雙方見面過程並不快，對方質疑Apple丈夫並非業主，聲稱未獲前業主通知單位轉手，直指「你唔係真業主！你哋唔係真agent！」雖然該次會面成功收到租金，但不歡而散，租客更自此拒絕承認業主身分。
租霸要求新業主無條件接受單位損耗
離奇在租霸事後向Apple提出多個要求，包括要有律師樓寄出的業主轉手信件，及無條件接受屋內所有損耗。租客稱屋內有損耗，但前業主承諾過「唔整都得，我哋會認返。」Apple回覆對方「如果前業主同你咁講，不如我上去睇一睇個單位。」 但租客指涉及私隱問題拒絕Apple入內，更嘲諷對方「以後你買樓呢，買間有得睇樓嘅，你先好買！」
Apple表示對方連拍攝內部環境的要求亦拒絕，之後就無法聯絡，拒絕溝通，無奈地說「其實我而家最擔心係間屋唔知搞成點，我但求盡快收到樓，只要佢肯搬走，我按金畀返佢都無所謂。但問題係，我連溝通都溝通唔到。」
入稟土地審裁處遇租霸反擊
為了解決問題，Apple已入稟土地審裁處申請欠租收樓，並將相關文件張貼於單位大門及放入信箱，惟火速被租客撕毀。之後大門就出現「尋，業主失聯，交唔到租」及「請不要遮蓋及刑事毀壞本人財物。業主煩請聯絡管理處。」的告示。
Apple原本打算待8月死約完結就可以入住啟德新單位，苦訴現時既要支付新單位的管理費及按揭，又要負擔自身租金，經濟壓力巨大。她表示「點解佢重可以自由出入，重可以去土審，重可能會玩反對，根本無嘢可以懲治到佢。」
租客更於6月10日提交手寫反對書，聲稱於4月雙方會面時遭Apple一方出言侮辱，並重申不承認其業主身份，稱「舊業主已核實身份，我每期交租有早無遲，只有我追代理人收據，亦獲舊業主及代理人讚許」，更指自己「超越租客身份」，積極「尋找真業主」，直言「如果是一個欠租者絕對不會這樣如此忙碌，有被老屈之嫌。」
專家建議速入稟土地審裁處
香港業主會會長佘慶雲指出，根據法例，如果沒有特別訂明，只要租客欠租超過15日，業主即可入稟土地審裁處追租及收樓，「唔使等㗎，唔使等成個幾兩個月㗎。」佘慶雲建議業主盡快入稟土地審裁處，要求欠租收樓，「土地審裁處只係審兩樣嘢，喺租務上，欠租一定判業主收到樓。法官唔睇其他任何嘢，只睇正確文件，時間仲快過去區域法院或小額錢債審裁處。」他又提醒，按金不等於租金，亦不能用於抵扣租金，「有啲租客同業主講，『我有兩、三個月租金係你手上，使咩咁早告我，你按金冇晒你先告我喇。』咁係錯誤嘅。」
來源：一線搜查
港生活人氣本地熱話
【送您🎁】「民坊 X Usagyuuun 小突兔限定精品套裝」
↓5款 Usagyuuun 小突兔精品🌟/四大獨特校園主題互動打卡場景📸↓
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
