港大畢業大叔應徵炒散Sd錯電話！將個人資料WhatsApp予港男1原因幫手轉介
香港經濟低迷，不少打工仔被迫轉行搵食，連高學歷人士都要撲水炒散賺錢。最近有網民分享一段暖心經歷，指自己無端收到一位港大畢業大叔狂WhatsApp「見工」，惟對方疑撳錯電話號碼，以致誤傳CV及畢業證書予陌生人。這位好心港男沒有嫌煩，反而出手相助幫大叔，獲網民激讚「係香港精神」！
港大畢業大叔應徵Pop Up炒散 WhatsApp錯電話號碼好心港男幫手轉介
事主透過社交平台貼出對話截圖，稱收到一位大叔連環傳來訊息，而且內容十分正經指：「彭小姐，您好！在Offerday上，得知Pop-Up食品招聘中秋員工，本人...」，並將個人資料，包括港大學位畢業證書都發送給樓主，令其不禁指：「驚佢搵足我全日，幫人幫到尾啦！」事主表示「個電話真係接近一樣，所以唔怪得佢」，最終決定做好人，親自幫手尋找真正的招聘聯絡人。
點擊圖片放大
網民狂讚好有愛：幫咗個家庭
帖文一出即引來熱議，大批網民立即留言向事主致敬：「你幫人幫到底，彭先生無因找錯聯絡人而失去工作機會。你不止幫了他，也幫了個家庭！感謝你多行一步」、「多謝樓主善心提醒，一齊祝福叔叔見工順利」。
點擊圖片放大
不過，事件亦令部份網民感心酸，認為現時連大學畢業都要應徵散工，反映就業市場艱難。至於該位堅持不懈的港大大叔，網民紛紛集氣祝上祝福，「佢真係好勁，同時亦都好唏噓，希望可以加強推廣一下中年就業」、「班姨姨叔叔雖然可能唔太識用智能電話，但係學習/工作起上黎非常認真，希望佢見工成功」。
資料及圖片來源：Threads
港生活社會話題
↓ 賞您香港書展2025電子門票📖 ↓
↓ 同一門票可入埋「零食世界」及「香港運動消閒博覽」↓
↓【限時搶⚡】賞您日本Flo(a)tus超跣水防風長雨傘↓
↓超跣水技術｜防風、防紫外線功能↓
