中環美心can.teen分店結業 個半月連執2間打工仔痛失飯堂

美心can.teen個半月2間分店結業 中環打工仔痛失飯堂

今次結業的美心can.teen分店位於中環世紀廣場，官方透過社交平台專頁解釋指因為租約期滿，並向食客道謝：「感謝您一直以嚟對世紀廣場Can.teen嘅支持及厚愛」，分店已於6月28日正式結束營業。

官方帖文亦提到，「中環上班族或街坊喺餐廳一齊相聚嘅時光，品嚐香噴噴嘅海南雞飯、歎一杯令人難忘嘅熱奶茶，相信都會成為大家心中寶貴嘅回憶」，又指未來可以在其他分店相聚。這間一度被網民封為「中環CP值之王」的快餐店，食物平均以$50至$70不等的親民價「餵飽」一眾打工仔，現時突然消失，相對令部份白領頭痕。

打工仔哀號：之後要捱貴餐廳

消息一出即引來中環上班族討論，又指「之後要捱貴餐廳」、「想食平啲都冇」、「真係要帶飯慳錢」、「食lunch要食成百蚊的日子嚟喇」。

翻查資料，中環太子大廈店早前因租約期滿，已在5月13日最後營業，該店由2016年經營至上月，惟置地太子商場將開展大型翻新工程，因而結業。計及今次中環店，即在短短個半月內連續關閉2間中環分店。can.teen目前全港只剩長江集團中心、金鐘海富中心及香港國際機場3間分店。

點擊圖片放大

資料及圖片來源：Facebook@荃灣人、can.teen官方、HKET圖片庫