港人失業去圖書館「扮工」自爆日日去打機享免費充電食水
近日有港人自爆近期失業，日日前往圖書館打機玩Switch，更指可享2大好處引發熱議，驚揭香港公共圖書館成為失業「扮工」熱門地點之一，部份打工仔頗有同感並分享同類經驗，表示為逃離家人眼光亦曾試過去「扮工」，亦有人提出各個應對「失業」、「低潮期」等方法，認為人人都會經歷低谷，直言只要改變心態仍能改變人生！
圖書館變失業扮工熱門地？港人自爆日日去打機享免費充電食水
近日有港人透過連登討論區發帖，分享自己失業期間日日到圖書館「打Switch」的經歷，直言自修室不僅提供免費充電和飲用水，更是逃離家庭壓力的避風港。樓主表示「早兩日辭左份工，想hea返一頭半個月先搵工」，惟「屋企有3個人，唔夠自在，地方又細」，因而改為去公共圖書館。他補充，交完辭職信當月已經出發出了1個月旅行。
帖文一出即引發共鳴。雖然有網民質疑「點解唔喺屋企打？」，但獲大批留言反駁：「因為有啲人佢失咗業，唔想比屋企人知道囉，甚至你日日喺屋企度打機Hea ，你屋企人話你，你都會有種唔舒服嘅感覺啦，變相咪變咗要去圖書館或者商場坐囉」、「就算你屋企啲長輩好開明，甚至會鼓勵你，你自己個心都過意唔去啦」。
網民痛訴：老一輩覺得唔返工=廢人
有網民亦分享曾經失業，不願面對家人眼光的經歷：「我之前有試過失業半年以上，（阿媽）居然同我講，出面大把地方請人係你唔做，我聽啲朋友講惠康呀xx餐廳呀一路都請緊人，即刻唔想同佢講嘢，隔幾日求其up（嗡）話搵到嘢做，日日出去帶部notebook出去圖書館扮工」、「老一輩覺得唔返工=廢人，就算你夠錢洗都好」、「之前失業，唔想係屋企日日比人問幾時搵到工，日日都出去，早上運動及沖涼，下午去圖書館借書再排自修室」。
▼網民咁講▼
低潮變轉機？過來人分享靠圖書館閱讀重生
意外的是，原來許多網民都曾經試過失業時前往公共圖書館，更將有關時段形容為「人生轉捩點」。有人分享自己半年內不斷閱讀心靈書籍，「雖然好多時講嘅都係大路野，但有時就係其中一兩句，會令你有唔同嘅諗法」；亦有人藉此養成閱讀習慣：「我係人生最低潮時都係睇書行山，唔係睇小說，好多工具、心靈書，最後改變左自己想法，正面咗，影響一生」、「果時未興智能電話，日日朝早去運動場跑步，然後去圖書館睇書（扮工），係我一生之中睇最多課外書既時間。睇書令我明白只有行動才能改變，跟住就好自自然然地從擔憂之中走出去」。有網民認為「短期hea吓無妨」，指「想減壓可以做part time，維持基本生活就得」。
▼網民分享經歷▼
資料及圖片來源：連登討論區
港生活人氣本地熱話
【請您睇優先場🎞️】《電影多啦A夢：大雄之繪畫世界物語》
↓ 簡單一步，免費入場🙌↓
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
