女神配對計劃｜羅毓儀「審問」林俊其6年暗戀真空期 閨密王菲原來係「愛的間諜」

羅毓儀冧豬＋「愛是懷疑」表情包集合 

製作組為Yuki三位男組員—「王浩信2.0」林俊其（Kris）、電台DJ海淦清（T.Max）及醫美太子爺陳衍丞（Kenneth）設計的關鍵字回合考驗為「口味」、「音樂」及「心動」。等足六年才鼓起勇氣追求女神Yuki的Kris，在「口味」回合中，因Yuki最後選了與Kris同分的Kenneth，Kris最後只能全程眼睜睜望著心儀的Yuki與別的異性有說有笑，而Kris在意的程度竟去到將眼前的生牛肉他他全程ignore。

T.Max音樂題嚴重失誤  Yuki：我對你太失望

之後到「音樂」題，該回合三位組員需要從三個由不同藝人獻唱的《完璧》中、挑中Yuki主唱那一首，由於難度系數頗高，Kris一來便崩潰：「死喇！我點算呢？我都驚成餐飯冇得對住佢（Yuki）食！」Yuki亦事先張揚睇好T.Max！最終三位組員齊齊答錯，結果要由Yuki親自挑選第二回合食飯人選！由於Yuki事前曾講明對T.Max有期望，加上第一回合「有前科」，Kris擔心自己再次不被選中的Kris自然全程失魂落魄！最終幾經掙扎的Yuki選了Kris齊齊飲湯，並坦言對自覺與自己志同道合的T.Max「太失望」。

+7

+6

點擊圖片放大

林俊其親揭「六年真空期」真相：今次攞正牌

雖然Kris勝出回合，但卻似乎仍贏不了Yuki 的信任，對於認識多年Kris才展開追求，Yuki大感疑惑，飲湯期間一再向Kris提出各式各樣問題，而且每條都問得相當認真（更有網民大讚精準）！Yuki一來便單刀直入問Kris參加《女神配對計劃》是否為了搏出鏡，Kris聞言抬頭望天兼面帶失落回應：「即係如果我私底下要同你（表白），我覺得好難，我唔會打開到呢個隔膜…（我）突然間話搵你，你都覺得奇怪啦，跟住突然間話有個咁嘅機會（《女神配對計劃》），冇諗過就真係直接過咗嚟，講真，呢個都算係攞正牌（追你）呀。」

羅毓儀名偵探上身連珠爆發「審問」林俊其

對於Kris答案明顯未滿意的Yuki，再追問謂：「但之後你又冇特別做啲咩喎」，Kris：「平時我個人比較唔係好主動，加上大家同事，可能我自己會有個膜喺度…所以係咯…斷斷續續咁樣。」Yuki：「你嗰時有同我哋（Yuki與其前度）拍過Youtube，咁你係咩心情？」Kris：「我啱啱咪話我斷斷續續嘅，因為我知你嗰時有伴侶吖嘛。」

+6

+5

點擊圖片放大

閨密王菲原來係「愛的間諜」

由於Kris在海選時表現得「好似好了解自己咁」，故Yuki當刻一度感動至哭成淚人，成為一時佳話；但經過一輪「消化」後，Yuki原來覺得有疑點！「我覺得好奇怪呀，因為我同你唔係好多接觸，但你講好多嘢都好中，我即刻好陰謀論咁諗，係咪Arthur（施焯日）或者Peter（陳嘉俊）通水。」

+3

+2

點擊圖片放大

Kris聽畢也坦承「追求」Yuki前，有向Yuki閨密取經：「平時你講嘢，我都大概知你係咩人嘅，但係我都想問人confirm，就問咗你老友阿菲（王菲）。」當阿Bob搭著Kris表示飲湯時間結束時，突然驚呼：「嘩！濕晒咁喎！」原來Kris即場出了很多汗，到底是太緊張還是Yuki太過中point就不得而知。