將軍澳商場排長龍街坊稱要排4小時 網民：香港人啲時間唔值錢？
將軍澳南豐廣場近日出現誇張人龍，有居民於社交平台發文指，抱怨「好恐怖今日攞野，商場管理員話要排4個鐘」的經歷，引發網民熱烈討論香港人對「時間成本」的價值觀，又表示「香港人真係好鍾意排隊」。
將軍澳商場排長龍街坊稱要排4小時：香港人啲時間唔值錢？
日前（7月8日）傍晚時間，有將軍澳市民於南豐廣場留意到有大批市民排長龍，有人表示當日下午6時半左右，現場目測有約百人排隊輪候，稱「平均1分鐘1個人，（估計）都要120分鐘up（以上）」。都有當日早上曾取件的市民表示，「9:30去到都要排幾個，但都排咗35分鐘先拎到」，又質疑職員找件效率低，「佢每一個客都搵貨超過5分鐘，唔排四個鐘就有鬼啦」。
對於上述排隊情況，掀起大批網民對於「時間價值」的熱議。有人留言指：「時間咁寶貴，竟然幾十蚊都唔值」、「點解香港人啲時間咁唔值錢？正常人點會為咗小小錢係度哂時間呢」、「為咗慳少少錢唔送上門，自己等嘅時間都喺返到」；部分人更表示取件的貨品價值僅20元，卻要付出1.5小時等待時間，變相「令件貨好貴」、「即是變咗冇平，一秒鐘幾十萬上落，浪費生命！浪費人生」。
方保僑：平均都要排3至4個鐘先至攞到嘢
同樣為將軍澳街坊、香港資訊科技商會榮譽會長方保僑接受《港生活》訪問時表示，今日（7月9日）家人到菜鳥集運門市取件時，平均都需要排3至4小時才能成功取件，直言情況誇張。不過，他指出該店家「呢幾日話改做24小時」以方便居民順利取貨，但他坦言日後或選擇送貨上門。至於為何會出現上述情況？他估計或與拼多多跟香港順豐終止合作有關，認為有關集運門點需同時應付拼多多、淘寶等大型網購平台貨件，以致數量龐大，令顧客等候取件時間增加。
提及拼多多與順豐停止合作，他補充，據了解業界估計有機會是因為順豐早已預料拼多多到港的貨物量驚人，加上行內設有「做唔到要罰錢」等規例，因而決定終止合作。
拼多多在6月底與香港順豐終止合作
拼多多在6月底正式與香港順豐的終止合作關係，香港用戶目前無法再選擇順豐站或順豐智能櫃作為拼多多包裹的自提點，與此同時過往用戶只需要支付$10港元（標準運費），便可選擇送貨上門，但現時平台上暫時未見有類似的宅配服務，即是用戶暫時只能到個別自提點自行取貨，或使用第三方的集運平台寄送至家中。
資料及圖片來源：Facebook@將軍澳主場、香港資訊科技商會榮譽會長方保僑提供
港生活人氣本地熱話
【請您睇優先場🎞️】《電影多啦A夢：大雄之繪畫世界物語》
↓ 簡單一步，免費入場🙌↓
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
