好人好事｜的士司機執手機拒收報酬！轉頭做1件事獲網民大讚：一件好事變三件好事
機場跌手機竟然失而復得？近日有港人在社交平台分享遇上熱心的士司機的經歷。事主媽媽早前在機場遺失手機，原以為凶多吉少，沒想到竟被一名司機拾獲並親自送還。對方不但拒收酬勞，事後的一個舉動感動網民，紛紛留言讚賞「呢啲司機真係抵讚」、「一件好事變咗三件好事」。
的士司機機場撿電話 拒要報酬兼做1事獲激讚
一名女網民近日在社交平台Threads分享好人好事，指其母親早前與朋友去旅行，出發時在機場不慎遺失了手機，幸好遇上一位熱心的士司機主動聯絡歸還的經過。
▼按圖看事件經過▼
原本以為手機遺失後凶多吉少，沒想到最終失而復得，的士司機更親自把手機送到女事主返工地點。從她上傳的對話截圖可見，的士司機是在中午12時51分聯絡事主，並約定於下午1時30分在荃灣交收。
交還期間，司機曾再三拒絕拿取酬勞，但事主還是強行將錢塞到對方手上。事後，司機在對話中表明「淨係收返程車費」，其餘酬勞將會用作購買物資／直接捐款予救助流浪貓的小食店，並表示「代流浪貓多謝你」。
事主對司機的誠信與愛心大感意外，隨即發文公開表揚對方，「我覺得今日呢單好人好事真係要share下，最估唔到嘅係竟然佢會Wts話俾我知，佢會將扣咗車錢嘅錢捐俾流浪貓貓，的士司機成日都俾人誤會，呢單好人好事我覺得要幫呢隊年輕人車隊宣傳一下」。
網友齊撐：好人好事值得表揚
事件曝光後，網民紛紛留言大讚該名熱心司機，「呢啲司機真係抵讚」、「好人好事值得表揚，呢家唔見電話慘過唔見銀包」、「一件好事變咗做三件好事」。有不少網民認得涉事的士車隊，紛紛留言表示「呢個車隊好嘢嚟㗎」、「我都call開呢個車隊，大部分都禮貌、車乾淨」。
有網民好奇事主家人最終是否成功取回手機並如期出發旅行，「你家人最後上機前拎唔拎得番部電話去旅行呀？」，事主笑言回覆：「飛左啦，唯有叫佢專心旅行同朋友傾偈戒吓手機」。不過，也有網民分享過往失物不獲歸還的經歷，「我上次係的士漏左部電話，我肯比800個司機都嫌少，話最少1000！我之後決定唔會再搭的士」。
▼網民留言▼
【原帖文】
授權轉載：Threads@cocochan97
港生活人氣本地熱話
《Chill賞放大假》請您去海洋公園！
↓ 立即參加，免費去夏水禮🙌↓
【送飛🎟️】蠟筆小新「玩轉！時空大冒險」互動體驗展！
↓2️⃣大新設展區✨│2米高小新立像／全新周邊精品／小新主題新餐單😍↓
