易通行換新車陷阱？黃傑龍親揭「自動轉賬失效」遭罰款！專家教1招避開$175附加費
易通行實施以來雖漸趨便利，但隱藏「系統漏洞」隨時令車主誤墮罰款陷阱！叙福樓集團主席及行政總裁黃傑龍近日在社交平台分享親身經歷，揭露換新車時即使沿用舊車牌及已設定自動轉賬，仍因易通行「人車分離」設計遭罰附加費$175。香港資訊科技商會榮譽會長方保僑解釋「易通行系統跟車唔跟人」，市民換車後需要登出戶口再以「補交隧道費（無易通行戶口）」登入，即可查閱「空窗期」的隧道費。
易通行換車漏洞 自動轉賬≠自動過戶？
黃傑龍早前更換新車，沿用原有車牌並「去運輸署轉牌嘅時候佢真係會自動幫你搞埋個易通行」，惟實體標籤需時郵寄。他於5月8日駕駛新車經過隧道時，「冇得避，又冇得現場俾現金嘅，只有正常咁過隧道啦。 」由於早前已辦理自動轉賬，他以為系統會自動扣款，其後幾日多次登入易通行帳戶檢查，均顯示「無欠款」。
不料一個多月後竟收罰款通知，致電查詢才驚覺「帳戶與車輛系統分離。」致電易通行查詢時，職員回覆「你去自己原有個account睇唔到呢單欠款，個account無欠，系你架車欠，你要logout，再用車牌從新login，就見到」，即車主必須先登出，再以「車牌號碼」重新登入才能檢視該筆欠款。
需自行填表申請豁免罰款
黃傑龍問到職員能否豁免罰款，對方解釋須需自行填寫「Form 368A」，並以郵寄或電郵形式提交以待審批，「不過留意番，如果到期未批你又唔俾罰款，就會罰多D錢，自己留意番。」 雖然最終成功申請撤銷罰款，但黃傑龍表示「當然如果易通行會改善個流程最好，其實未收到個貼，但account早在，直接match翻入去，大家都好，減少好多工務員工作及市民時間精神成本。」
不少網民有同樣經歷：幾個月後先發現，罰款加埋5000
有網民表示自己發生過同樣情況，「我也衰過兩次。打過電話投訴過無用」、「我嘅情況同你完全一樣，不過而家過咗半年佢都話係批核中，未知可唔可以撤銷罰款」、「我明明有易通行帳號，點解要揀無易通行帳號登入先可以睇到有欠費呢？」、「最攪野係，居然要再用車牌入先睇到，咁點解其他嗰啲又唔駛都睇到？」亦有人同意應加設網上申請豁免罰款，便利市民。
方保僑：易通行系統跟車唔跟人
香港資訊科技商會榮譽會長方保僑亦有在帖文回覆，他解釋由於「易通行個系統係跟車唔係跟人，所以先至會有咁嘅問題」，同時提醒市民換車後過隧道，可以留意有沒有收到短訊提示交錢，之後再登入「補交隧道費（無易通行戶口）」交錢。
新車主在運輸署完成車輛登記或過戶手續後，無論車輛是使用舊車牌或新車牌，都需將車輛重新連結至易通行戶口。方保僑指出，如車輛在連結戶口前已使用隧道，車主可先登出戶口，再以「補交隧道費（無易通行戶口）」登入，查閱及補交當時的隧道費。若車主未能於14個工作天的限期內繳交隧道費，除須繳付隧道費外，還會被徵收首筆附加費 ($175)。
市民可以信用卡、轉數快、7-Eleven 便利店或易通行客戶服務中心/服務點繳費。
易通行如何運作？
「易通行」服務主要由「易通行收費系統」及「繳費貼」兩部分組成。透過無線射頻識別技術（RFID）配合自動車牌識別技術，車輛無需在收費亭停車或經過「快易通」行車道，便可繳付隧道費。當車輛經過推行「易通行」隧道的收費點時，收費設備會自動偵測經過的車輛，並透過繳費貼及車輛登記號碼，收取隧道費。
來源：Facebook@黃傑龍、易通行
港生活人氣本地熱話
《Chill賞放大假》請您去海洋公園！
↓ 立即參加，免費去夏水禮🙌↓
【送飛🎟️】蠟筆小新「玩轉！時空大冒險」互動體驗展！
↓2️⃣大新設展區✨│2米高小新立像／全新周邊精品／小新主題新餐單😍↓
