拼多多自提點大排長龍 屯門一店開足24小時勁賺得？網友：唔知以為佢開便利店

屯門拼多多自提點貼通告：本店24小時營業

有街坊於Facebook群組「安定邨」發文，表示附近一間拼多多自提點悄悄貼出通告，正式宣布改為24小時營業。從照片可見，該店在門外貼出一張告示，以白底紅字寫上「本店 24小時營業」。

▼早前區內自提點一度大排長龍▼

+3

+2

點擊圖片放大

街坊一度以為睇錯：真係開足24？

消息一出，留言區隨即洗版式大讚，「半夜去攞可能快啲」、「呢間真係超癲，條人龍經常排到去以前友愛餐廳個位！想攞件起碼要排1粒鐘以上」、「拼多多同菜鳥係咁收，擺晒係出面，日日比人影相，邊有得唔開24」。有街坊表示一度以為看錯，「今日買野見到佢寫24小時都唔信，而家見埋呢張野就確認佢真係開足24」。也有人笑言：「唔知以為佢開便利店」、「勁賺到開24」。

▼網民留言▼

+5

+4

點擊圖片放大

網友質疑「半夜都有人拎件？」

雖然不少街坊對自提點改為24小時營業拍手叫好，但亦有聲音質疑凌晨時段人流稀少，未必有實際需要，「半夜都會有人拎件？」、「係囉，照計凌晨嗰幾個鐘，好稀疏㗎」、「咁其實又好似唔需要咁辛苦開咁長時間，我諗朝8晚11應該都夠」。亦有網友分析，指出該店貨量龐大，或需全天運作以處理存倉及上架流程，「應該要上架入倉，入機」、「佢啲貨可能多到自己要24小時先至砌得好，其實估計凌晨嗰幾個鐘頭會有幾多人去攞呀」。

24小時營業屬暫時安排？網友更新現況

有網友推測24小時營業或屬臨時措施，並非長期安排，「暫時性咋，要清左sf唔接果埋拼多多，之後會回復正常架喇」。亦有街坊親身查證更新情況，指店面張貼的「24小時」通告已被撕下，自提點已改回「朝8晚9」的營業時間，「我兩個鐘前已經唔見左24小時，仲24咩？」、「我啱啱問咗佢哋嘅員工，佢哋話暫時未係廿四小時」。

網友錯重點？3萬請貨車司機告示成焦點

除了關注自提點是否24小時營業，不少網民「錯重點」關注到照片右上方張貼的一張司機招聘告示。「貨車司機（需搬運）」月薪$30,000起，另設獎金制度，標明「多勞多得，早完早收」。有網民認為是筍工，「月薪三萬」；亦有人認為薪酬合理，「司機最辛苦，送15至16個點，得3雞邊有得做？」、「司機要派埋貨，差唔多啦」。

來源：FB@安定邨