網購忘拎貨被收$400倉存費！港人想「走數」遭網民怒轟：影衰香港人
網購要留意提貨時間，一時大意隨時要付上高昂倉租費？近日有港人在Facebook群組發文，指家人網購後未有即時到自提點取貨，包裹滯留接近一星期，最終被追收超過$400倉存費，令他大感無奈，更詢問「唔拎可唔可以退返？」事件引起熱議，大批網民炮轟其不負責任，甚至直言：「咁同食霸王餐有乜分別？」亦有少數人理性分析倉費規則，建議樓主嘗試與店主溝通處理。
港人忘記拎貨 被自提點收$400倉存費？
日前（24日），有網民在Facebook群組「拼多多開心share分享群」發帖，表示家人早前在拼多多購物，並選擇送貨至香港的自提點。不過，由於家人未有查看物流通知，直到包裹到達後第七至第八日才發現，結果遭追收超過百元的倉存費。
密謀1招走數：想唔拎退回
樓主補充指，家人並非有意延誤提貨，而是「唔知道有件貨要拎」。若按照一般自提點的收費標準，每日每件$10計算，累積下來數件貨品的倉租已超過$400。他坦言感到困惑無助，並發文向網民查詢：「可以唔拎原路退回嗎？」
網民轟離譜：運輸同自提點咪白做
帖文一出即遭網民炮轟，批評樓主行為不負責任，做法相當離譜，「有錢買平野無錢比存倉，無check到貨自己責任啦」、「咁同食霸王餐有乜分別？」、「比倉租唔係正常不過咩？咁樣都想走數，仲想要人教做壞事」、「就係你呢種乞衣做壞規矩」。不少人強調，自提點倉存有成本，佔用人手與空間就應該付費，怒指樓主「厚面皮」、「影衰香港人」。
▼網民點睇▼
有網民同情：未收到通知真係唔知
雖然批評聲音佔多數，亦有部分網民對樓主表示同情，認為現時平台通知機制不完善，令買家難以及時提貨，「其實現在無通知，對買家都唔公平」。另有網民指出，若選擇「唔拎貨」亦未必能原路退回，因為退貨可能要自費運費，反而得不償失，「到時可能仲貴過存倉費」。有網友則建議，「奉勸各位，買還買，請不要買到痴痴迷迷連自己買左乜都忘記晒」，若想避免倉租費，可改用集運方式將多件貨品一次收齊。
自提點倉費可講價？網民分享親身經驗
至於倉存費，有經驗網民則分享親身經歷，指部分自提點其實願意「講價」，建議樓主與其網上求助，不如先主動溝通，或許有「減價」的空間，「你可以選擇講價，D錢都係自提點收」、「你可試下同自提點傾下，未必一定收足的」。
▼網民分享親身經歷▼
【原帖文】
港生活人氣本地熱話
《U GO必去榜》4️⃣大TOP2️⃣0️⃣榜單出爐🎉！
立即睇👀港人熱推演唱會／活動展覽／人氣自助餐／打卡Café😍
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
