搭霸王輕鐵遭斷正！港人忘交罰款收傳票上庭 恐被罰$5000！崩潰呻：學生真係冇咁多

因病唔記得買飛入閘？港人還原事發經過

近日連登討論區上，有港人以「收到地鐵出傳票叫我上庭」為題發文，表示早前乘搭輕鐵時被港鐵職員查票，當場被揭發並無購買車票，個人資料亦即時被登記。他解釋，當日身體狀況極差，「嗰日係真係病得好交關，病到嘔泡」，晚上更需到急症室求醫並獲批病假。其後又忙於搬屋與準備考試，完全忘記繳交罰款一事，直至近日收到屯門裁判法院傳票，他才意識到事情的嚴重性。

港人：「因為嗰日係真係病得好交關，睇返嗰日夜晚仲去左A&E，批左幾日假嗰隻，之後我又搞搬屋又返學mid term，之後又考final 真係咁樣冇左件事！」

樓主補充道，指自己並非居於大西北，事發當日只想盡快回家休息才乘搭輕鐵，「之後落車見到小黃人都冇太load到咩事」。對此，他感到焦急不安，並發帖求助：「仲有冇得救？可唔可以上庭前交返？如果真係上庭要交幾多錢？係咪真係要罰5000？我係學生，真係冇咁多...」，他甚至考慮親自手寫求情信，向法官解釋事出有因。

網民鬧爆：點對得住有俾錢嘅人？

帖文一出，隨即有網民狠批樓主不負責任，「你點對得住我地程程俾足全費嘅人」、「冇買飛嗰陣唔見你真心驚？而家就突然真心問」。亦有網民以戲謔語氣建議他「著草」避過法庭，「Tommy 140蚊都著草，你呢單應該都要」、「匿去深山啦，可以同佳仔做鄰居」、「著草致敬tommy大哥啦」、「洗定個8月15係監獄過中秋啦」。

網民分享實況 上庭流程全公開

有理性網民留言解釋法院處理流程，指一般情況下，只要認罪、態度誠懇、解釋合理，初犯罰款多數低於千元，不會罰足上限。亦有港人分享個人經驗，認為樓主毋須太過擔心，現時輕鐵逃票為$370，加上法院堂費通常為數百元，總數不會過千，「我垃圾蟲告上庭都係交返3000（出信寫6500）」、「認罪 交錢 走人，之前比人捉過衝紅燈上庭，拿拿林罰款搞掂」。

不過，亦有人提醒樓主不要掉以輕心，法官會根據事主是否有合理理由、態度是否誠懇而決定罰款金額，若未能提供合理解釋或一味推搪，則有機會罰款加重。

▼網民分享親身經驗▼

+7

+6

點擊圖片放大

求情一定無用？網民：準備好證明文件

不少網民對樓主解釋極度反感，認為即使有病、再忙，也不能作為逃避責任的理由，又指法庭聽慣各式「慘情理由」，法官未必會輕易相信。但有部分網民認為求情仍有機會，「最好準備埋證明文件，醫生紙/醫院收據等等，個官一定會問你有冇證明」、「求情減罰款...學生無乜收入，求情輕判」，並建議他盡早向家人坦白情況，「你冇錢比最後都係麻煩你屋企人，不如早d同佢地講，順便賣個教訓比自己」。

▼網民點睇▼

+6

+5

點擊圖片放大

港鐵：輕鐵乘客逃票罰款$370 拒交最高罰$5,000

根據港鐵指引，顧客服務及收益保護隊不定時巡察車廂，若發現逃票乘客，會登記有關乘客個人資料及開罰單，乘客須於指定輕鐵客務中心繳交罰款，金額為$370（大小同價）。

港鐵車站職員及「查票組」職員每日不時會於港鐵範圍內進行查票工作。若職員發現乘客違規，會要求乘客繳交附加費。若乘客拒絕繳交附加費，港鐵公司則會考慮採取法律途徑追討，包括最高罰款$5,000（大小同價）及檢控。

來源：連登討論區