《羅生門》MV出爐　謝安琪濕身性感交內心戲

2015.07.30

上次Fake咗大家《羅生門》出電影版（詳看：【真係拍成電影！《羅生門》15分鐘電影片段網上有得看】），小編知錯了，今次真係送返個新鮮出爐嘅《羅生門》MV畀大家，片中Keep返《念念不忘》MV嗰種簡約，Juno今次個樣打扮得好成熟生晒鬚，Kay就以濕身性感女神Look出場，開頭就各自獨立出現，之後二人相遇，但睇落好似見唔到對方咁，係最後摸咗兩下面，同首歌嘅內容好夾，Juno同Kay就算身處好近都好難再一齊，由於畫面好簡潔，所以好考兩個人嘅內心戲！你又準備咗紙巾未？