女神配對計劃｜梁敏巧搞事撮合葉蒨文Eddie親密互動 GM即時出聲嗆爆：你嗰吓推頭
TVB戀愛綜藝《女神配對計劃》第八集雖然充滿葉蒨文與曾展望的甜蜜畫面，兩人「鼻尖貼鼻尖」令全場激動起哄。不過GM本集依然未有佔盡上風，更會親眼目睹Sophie與後來居上的同組勁敵林堡熙Eddie大玩傳水杯互動，期間梁敏巧更加多事做出一個舉動，令GM即時出聲嗆爆！
GM激罕收起笑容連講三次「都幾呷醋」
今集，葉蒨文會與林堡熙Eddie大玩傳水杯互動，GM雖然即場難掩失落樣子，但仍然全程強顏歡笑，事後更以層遞方法，連講三次「幾呷醋」：「（唯有）強顏歡笑咯，唔想散播負能量，但我本身都幾呷醋，都幾呷醋，真係幾呷醋。」
梁敏巧多事撮合葉蒨文Eddie親密互動
雖然GM已經暗藏心火，睇到徘徊甜蜜與呷醋之間，但同場的梁敏巧（Maggie）與組員劉啟進（Matt）卻聯手搞搞震刺激GM，分別將Sophie及Eddie推向對方，嚇到Sophie瘋狂尖叫。GM見狀即第一時間彈出來護花：「喂，守規則架嘛」、「Maggie你嗰吓推頭，我記得你架，我好小氣架」、「喂，唔好以為自己嗰組得一個大晒喎」，嚇得Maggie大叫：「未見過GM咁惡架。」
葉蒨文曾展望「鼻尖碰鼻尖」
葉蒨文和曾展望要玩的遊戲題目是「女神和男士需鼻尖碰鼻尖10秒」，當葉蒨文知道要和GM有身體接觸後，即時震驚掩嘴，之後一面甜蜜的躲在李芷晴身後瘋狂甜笑，又怕醜地攬著李芷晴；加上向來口多多的GM，口花花說了一句：「可以改一改個秒咯，10日！」
GM：「我想10秒變10日」
全場即時陷入嘩聲四起（雖然只有四個人）的節慶狀態，一度驚動主持人林盛斌走入帳篷鬧爆GM：「做咩？你做咗咩賤嘢呀你？」GM則繼續不慌不忙：「冇呀，我想10秒變10日。」表現相當佻皮。
零距離超親密充滿粉紅泡泡
遊戲開始後，就在Sophie滿面春風之際，GM突然Man爆拋出一句：「咁我過嚟喇。」此時，就連閨蜜團莊子璇亦忍不住大叫：「佢兩個勁有粉紅泡泡咯！咩事呀？！」王菲亦直指Sophie個樣超怕醜。
葉蒨文難掩冧樣瘋狂甜笑
當二人鼻尖觸碰一刻開始後，葉蒨文全程表現超緊張，中途更一度笑住向後縮，「被拋棄」的GM則望住鏡頭傻笑，畫面既粉紅又Funny。之後在一片「未有十秒呀！未夠十秒呀！」的起哄聲下，Sophie與GM鼻尖再度「重逢」，可惜多番因Sophie太激動「分開」而要「重新再嚟」。
全場激動起哄食花生
同場的細John及李芷晴眼見GS甜得如此犯規，除露出極其搞笑的食花生樣，還Keep住起哄：「玩到聽朝呀！」、「係咯，特登嘅你一定係！」、「我好似睇咗婚禮錫十秒嗰啲咁」，二人你一句我一句氣得Sophie大叫：「你唔好加把口啦！」
葉蒨文IG罕談拍拖6年前度
葉蒨文在社交平台表示自揭六年未曾旅行時，自己亦沒有太大感受，但當看到網民的留言時卻不禁眼濕濕：「當我見到大家嘅DM同埋評論區嘅留言，我忍唔住眼泛淚光，特別係嗰句: #東京之旅一早比一世遙遠。嗰一下自己好似係全世界面前講咗一樣一路放咗喺心入邊嘅嘢，然後有一種被明白、一種釋放咗嘅感覺。」
剖白內心分手原因
之後葉蒨文又剖白內心，解釋與前度分手原因：「我亦都覺得有時分開唔係邊一個嘅錯，我淨係知道嗰六年，我見到身邊嘅朋友會同另一半去旅行我都會好羨慕，我都會睇佢哋嘅分享去感受嗰種喜悅。面對一次又一次，日復日、年復年嘅期望落空，一直好努力、堅強咁去支撐住另外一個人，我知道個一種感受只會我自己最明白。」
約定將來與男朋友要做4件事
Sophie亦表示日本之旅對她而言並不只是一個旅行，而是對於浪漫的期許與對自己的承諾。最後Sophie就約定將來與男朋友要做4件事，不再讓自己留下遺憾：「下次如果我有男朋友，我一定要佢同我去一次日本旅行！我想俾佢睇我着和服！我想同佢去環球影城！我想影好多靚相留低好多回憶！就係咁！」
葉蒨文直指欣賞Eddie：都幾有誠意
最新一集中，GM追求葉蒨文（Sophie）的Camping之旅充滿挑戰，不僅面對林澤謙（Him）的持續競爭，連沉寂的林堡熙（Eddie）也突然發力。Eddie在扯大纜環節因某事贏得Sophie極高好感，並在中西餐配對中與Sophie同選中餐，獲得大量互動機會。他積極獻殷勤，主動為Sophie留座、徵求她同意Yuki入座，並在她口渴時迅速取水斟茶，細心舉動贏得Sophie和花生團讚賞，展現陽光稚氣的一面。
葉蒨文自揭因前度六年沒有去過旅行 背後理由勁洋蔥！
葉蒨文今集還自揭了一個驚人秘密，原來她已有足足六年沒有去過旅行，理由更與前度有關：「我同我EX一齊咗六年半，我係一路想佢帶我去日本，但就係一路等咗好多年都冇實現到…咁啱嗰陣疫情佢有啲困難，或者生意上佢心情各樣嘢都唔係好好，咁我就一路陪住佢啦。」如此長情又願意為人設想的Sophie、實在令人動容。
Eddie多番獻殷勤 兩大環節贏Sophie好感
Eddie除在扯大纜環節，憑藉一件事令Sophie好感度爆標、直認欣賞之餘；在中西餐配對環節，亦因與Sophie有緣地同時選中中餐枱而獲得大量交流機會，Eddie亦抓緊時機向Sophie瘋狂獻殷勤。
Eddie甫見Sophie想坐下，即主動出擊：「呢度特登留個位畀你架」，而Sophie則怕醜得連環扁嘴；之後 Yuki示意想坐Eddie隔籬，Eddie即搞笑地說：「等等先」，並望實Sophie攞Permit：「得唔得架？」
餐桌禮儀盡顯風度 Eddie細心照顧Sophie
當得到Sophie嬌俏地回：「你決定啦」，Eddie即開心地笑著示意Yuki坐在自己旁邊：「可以可以！Sophie話可以。」Eddie事後直認與Sophie同枱吃中菜感到開心：「最尾我同Sophie嗰吓同枱，我就Yes！正！」並邊說邊做勝利手勢，陽光得來又有稚氣。
情真意切獲讚賞 Eddie細節攻勢動芳心
而當聽到Sophie表示口渴後， Eddie除第一時間遞手示意要水，未幾更索性跑去遠處為Sophie攞水：「我過去攞我過去攞，你坐低你坐低。」回到座位後，Eddie率先為Sophie斟水之餘，還照顧了同枱的其他人，獲得Yuki及花生團一致讚好！
之後Eddie還情深又認真地聆聽Sophie飲食喜好，滿滿的誠意令原本未有太留意Eddie的Sophie也為之動容：「我覺得佢對眼好似淨係得我一個咁，冇理其他人，好似好想了解我，我覺得都幾有誠意。」
女神至Hot造型青春氣息爆燈
本集正式進入Dating Camp對戰環節，五位女神葉蒨文（Sophie）、李芷晴（Stephanie）、羅毓儀（Yuki）、關嘉敏（Carman）及梁敏巧（Maggie）會與13名求愛勇士／組員大玩扯大纜、中西餐配對，及心意配對遊戲。
Dating Camp的花生團主要由五位女神的閨密組成，分別是Sophie閨密莊子璇Hilary、Step閨密何泳芍Honey、Yuki閨密王菲、Carman閨密莊思明、Maggie閨密鄧伊婷，還有堪輿學家雲文子；五位閨密更有權影響女神的同房過夜對象！
閨密輪流玩爆料！莊子璇爆葉蒨文最愛「談」戀愛
話明閨密，自然掌握對方勁多秘密，呢集Hilary、Honey及王菲便先後化身「爆料熱線」輪流玩踢爆。
Hilary直指每次跟Sophie傾偈，都是圍繞戀愛話題，並自豪謂：「所以佢嘅情史我係知得非常之徹底，我知佢鍾意一啲望落好Bad boy嘅樣，同埋眼細係一定要！」
Honey則笑指只要Step一有動作，便能馬上看穿Step對誰人有意思：「佢嘅情史我唔係淨係知道咁簡單，我係同佢一齊經歷，我會喺佢嘅行為度睇到佢鍾意邊個人咯。
港生活人氣娛樂新聞
↓【限時搶⚡】SERY BOX輕盈即食酵素粉↓
↓高速分解碳水、蛋白質及脂肪｜餐後消滯、去脹、減輕腸胃負擔↓
《社群》請您試用全新「驅蚊大師『清爽版』」200支！
