月入4萬元年輕情侶儲錢買樓VS租樓同居？網民激辯建議1個節衷做法

文: 溫藹紅

14小時前

近日一對年輕情侶在網上發文求助，透露兩人合計月入$40,000，面對高企樓價，買樓似乎是四至五年後的事。他們糾結於租樓雖然能即時享受二人世界，卻會減少儲蓄，更不想「幫人供樓」。雖然雙方家庭都願意在資助居屋首期，但由於實在難抽中，令他們陷入兩難：究竟是忍受多幾年繼續與家人同住，為買樓目標搏殺；還是及早租屋體驗同居生活，享受當下？

買樓VS租樓？年輕情侶月入4萬元陷兩難

這對年輕情侶（女方24歲、男方28歲）近日在網上發文求助，女方透過討論區發文表示渴望二人世界，卻陷入「租屋vs買樓」的兩難局面。事主計算若以1萬至1.2萬元租樓，每月將儲少1.5萬元，變相拖慢買樓置業進度；但若繼續與家人同住，則難有私人空間，同時拍拖活動及外出用膳的開支不減，每月可達$7,000至$8,000，數額不菲，經計算認為即使租屋，計及租金、水電煤及日常生活開支約$20,000，相信仍有結餘可供儲蓄。

點擊圖片放大

網民建議住屋企：搬出嚟一定無錢剩

帖文引發大批港人熱議，雖然多數網民支持「搬出去享受人生」（981票）遠超「忍多幾年買樓」（176票），但留言區的討論十分激烈。大部份網民強烈建議事主暫時與家人同住，認為二人月收入仍相對保守：「兩個人夾埋搵40K都敢諗買樓？除非屋企人比一舊大錢你地，否則就算幫你比完首期，你地都會供得好辛苦」、「兩個加埋得40k緊係食屋企啦，搬出嚟一定無錢剩」。

▼網民留言▼

點擊圖片放大

此外，亦有過來人分享慘痛經歷：「我老婆當年又係咁，話要儲錢，但又抵唔住頸搬出黎住，兩個人返工，收工話累唔想煮，食幾日平野又話口淡淡想食好啲，平時無野做又用外賣app，買珍珠奶茶，失驚無事又去book facial，結果儲唔到錢又要搬返去同屋企人住。」部分人亦提出折衷方案：「租工廈studio，星期五六日有自己地方休息吓」、「再唔係間唔中book間靚啲嘅酒店staycation，呢個budget唔建議租樓」。

過來人支持買樓多過租樓？

縱使有部份人支持根主先租樓同居，「你順便可以睇下呢個人值唔值得結婚」，但留言普遍認為，在樓價波動、收入相對不高的情況下應當優先儲蓄。有網民指出，租樓除了租金，還有水電煤、伙食及日常雜物，屆時儲蓄將更困難。不少過來人苦口婆心勸告：「我果陣兩個加埋大概70k先出嚟租樓住，租咗幾年呢排先買樓，40k應該儲唔到錢」、「如果本身想買樓嘅，人工唔高，建議痴屋企先盡量儲多啲錢先再買樓」，又強調「乖乖地儲錢，樓價如果升返你又無首期想入市都難，當然可能一路繼續跌」。更有激進者笑言「換過一個月入$100,000既男友」。

▼網民留言▼

點擊圖片放大

另有網民就給予中肯意見：「你地仲後生人工未升姐，大多幾年過三萬入息，就抽唔到居屋，快啲依家抽定先」、「值唔值唔係淨係睇錢，租咗先可以體驗下同居生活，我覺得係好事。惟搬左出去肯定會一闊三大，你當要用嘅錢比你預嘅budget多50%左右。可以再遲啲買樓，以後人工會高左，儲錢會相對容易左」，最重要是二人要有共同目標，「應使則使，咁就儲到」。

資料及圖片來源：連登討論區、HKET圖片庫

網民分享無痛儲錢方法！港人用呢招成功儲錢買樓上車？

日日儲$20真係得？最近有港人在社交平台分享自己的儲錢方法，一開始每日儲$20，後來加碼到$40，短短時間內就儲到過千元，並表示「現兜兜」看着儲蓄增長最有成就感。帖文一出即引發網民熱議，不少人大讚是「無痛儲錢法」，更有網民分享其他儲蓄方法，甚至有人靠紀律儲足多年，終於成功買樓上車！該名港女在Threads分享了手握一大疊鈔票的照片，表示自己不知由何時起，每日都會儲下$20，「因為銀包點都有」。後來她更把金額加碼至每日40元，到現在已經儲到$3,660，並表示可以堅持到年底。