真相猜情尋｜八仙嶺山火死者家屬將掛念藏於心底 「發夢見到個女，叫我唔好掛住佢」

語重心長16字寄語涉事者

雖然A女士至今仍覺得「咁細嘅細路哥，唔應該畀佢哋行條咁嘅路」，但事隔多年，A女士坦言早已放下：「我放低啦，放低咪大家開心啲咯，無謂咁執著。咁依家都成咗事實，都唔可以改變。」當中簡單一句「人都死咗咯，算啦」，豁達之餘，難掩人生的無奈。

「唔好再食煙，唔好再玩火，唔好再做錯喇」

對於有指因有同學食煙導致嚴重山火，A女士指即使是事實，她亦已選擇原諒對方，而且基於沒有任何實質證據，故情願相信在事件中沒有人食煙：「（嗰時）有嬲咯…依家咁耐咯過咗，都淡晒啦」、「你唔原諒佢咪自己唔開心咯，原諒咗佢自己個心舒服啲」、「嗰時係想知道點解，但係哩都唔會追究喇，個個都唔會認架啦，或者唔係佢哋哩，你哋估咋嘛，都冇一個人證明到係同學仔食煙，我寧願相信係冇一個人食煙。」並語重心長地以16字寄語涉事者：「唔好再食煙，唔好再玩火，唔好再做錯喇。」

+6

+5

點擊圖片放大

選擇原諒別人放過自己

對於婆婆的釋懷及無奈，網民看畢感到更心噏，不少網民直指忍不住眼淚：「家屬好慘聽到我都想喊」、「睇佢訪問死者媽媽，真係好心酸」、「選擇原諒，放低真係唔易」、「逝者媽媽好勇敢，能坦然面對傷痛，我都聽到眼濕濕…祝願佢生活安好」、「媽媽好堅強，選擇放低，真心大愛，希望大家都反省呢一件事」、「呢個媽媽，真係好善良」。

+5

+4

點擊圖片放大

「我發夢見到個女，叫我唔好掛住佢」

A女士又透露，雖然一家至今仍留有陰影，自己亦掛念女兒，但一切都只會在心中：「我發夢見到佢（女兒），佢叫我唔好掛住佢，自己開心啲過生活，佢喺上面都過得好開心，所以我就冇掛住。」最後，A女士更對著女兒的照片說：「阿妹，你喺上面開心啲啦！」畫面煞是感人。

+6

+5

點擊圖片放大

重返八仙嶺 發現20個煙頭

採訪隊在山火29周年紀念日當天，和山火跨部門調查小組主席郭晶強重返八仙嶺，並在現場找到超過二十個煙頭！做過消防處處長的郭晶強慨歎：「人係好善忘嘅，點解每次火警都係重複又重複、起因都係因為咁呢？所以係要不斷、不斷、不斷提醒佢哋會有咁樣嘅情況出現。」配以節目：「呢啲新嘅煙頭證明咗，原來呢三十年，後人一直冇汲取教訓，更可能為下一場山火埋下禍根」的旁白，反思味濃。

+4

+3

點擊圖片放大

方東昇團隊完美總結「真相嘅意義」

最後，方東昇團隊在節目尾聲以首尾呼應的方式，以「真相嘅意義」及「真相畀你搵到又點呢？」為整輯節目畫上完美句號：「對成個社會嚟講，真相嘅意義除咗出一口氣，求個明白、討個公道，仲有咩呢？如果我哋搵到答案，但冇汲取教訓，歷史遲早重演，悲劇只會再臨，到時或者真正應驗咗一句話，真相畀你搵到又點呢？」

節目首尾呼應獲網民熱捧

網民對《真相猜‧情‧尋》最終集普遍給予極高評價，許多觀眾讚揚節目「高質」，從編排、旁白到結尾都「畫龍點睛」，尤其欣賞製作團隊能夠在事隔多年後成功尋訪到當年山火事件的家屬。網民認為節目不僅止於追尋真相，更展現出一顆「暖暖的心」，呼籲觀眾放下仇恨、寬恕他人。雖然節目僅有短短八集，但觀眾感受到製作團隊背後所付出的心血與精力，並熱切期待方東昇團隊能盡快推出第二輯，繼續製作更多優質作品。